ᐱᕙᓪᓕᐊᓯᒪᓂᖓ ᐊᖏᓕᕙᓪᓕᐊᓂᖓᓗ

  • 1971

    ᐃᓄᐃᑦ ᓯᕗᓕᖅᑏᑦ ᓯᕗᓪᓕᕐᐹᒥ ᑲᑎᒪᒐᒥᒃ ᐱᓐᖑᑎᑦᓯᒍᑕᐅᓚᐅᖅᑐᖅ ᐃᓄᐃᑦ ᑕᐱᕇᑦᓴᑦ ᑲᓇᑕᒥ (ᒫᓐᓇ ᑕᐃᔭᐅᓕᖅᑐᑦ ᐃᓄᐃᑦ ᑕᐱᕇᑦ ᑲᓇᑕᒥ ᐅᕝᕙᓘᓐᓃᑦ ITK), ᑲᓇᑕᒥ ᑎᒥᐅᔪᖅ ᑭᒡᒐᖅᑐᐃᔪᖅ ᑲᓇᑕᒥᐅᓂᒃ ᐃᓄᖕᓂᒃ ᓄᓇᑖᕋᓱᐊᕐᓂᕐᒧᑦ ᐊᐃᕙᖃᑎᖃᕐᓯᒪᔪᓂᒃ ᒐᕙᒪᑐᖃᒃᑯᓐᓂᒃ.

    ᑎᑎᕋᕐᑕᒥᓂᖅ ᕕᑉᕗᐊᓕ 18-22, 1971-ᒥ ᐃᓄᐃᑦ ᓯᕗᓕᖅᑏᑦ ᑲᑎᒻᒪᑕ ᑐᕌᓐᑐᒥ ᑲᑎᒍᑎᖃᕐᓱᑎᒃ ᐱᓐᖑᑎᑦᓯᓂᕐᒥᒃ ᐃᓄᐃᑦ ᑕᐱᕇᑦᓴᑦ ᑲᓇᑕᒥ.


    ᐃᓄᐃᑦ
    ᑕᐱᕇᑦᓴᑦ ᑲᓇᑕᒥ ᓇᓗᓇᐃᒃᑯᑕᒥᓂᖓ ᐱᒋᐊᓕᓵᖅᑎᓪᓗᒋᑦ


    ITK new logo

    ᐃᓄᐃᑦ ᑕᐱᕇᑦ ᑲᓇᑕᒥ ᓇᓗᓇᐃᒃᑯᑕᖓ 



  • “…ᐃᓚᒋᔭᐅᒍᒪᔪᒍᑦ ᓇᖕᒥᓂᕐᓱᖅᑐᓂᒃ ᓇᖕᒥᓂᖁᑎᒋᔭᒥᓂᒃ ᐱᕙᓪᓕᐊᑎᑕᐅᔪᓄᓪᓘᓐᓃᑦ.”
    ᓯᓕᔅᑎᓄ ᒪᒃᐸ

    ITK ᐃᓱᒪᓕᐅᑲᐅᖅᑐᓚᐅᖅᑐᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐱᕙᓪᓕᐊᔪᓕᕆᔩᑦ ᑯᐊᐳᕇᓴᓕᐅᕆᐊᖃᕐᓂᕐᒥᒃ ᐱᓇᓱᐊᕈᑕᐅᕙᓪᓕᐊᓂᐊᖅᑐᒥᒃ ᓄᓇᑖᕋᓱᐊᕐᓂᕐᒧᑦ ᑮᓇᐅᔭᖅᑑᑎᒃᓴᓂᒃ.

  • 1976

    1976-ᒥ ITK ᓴᖅᑮᓚᐅᖅᑐᑦ ᐃᓄᐃᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐱᕙᓪᓕᐊᔾᔪᑎᒃᓴᖓᓂᒃ, ᑭᖑᓂᐊᒍᑦ ᑕᐃᒎᓯᖅᑖᖅᑎᑕᐅᒃᑲᓐᓂᓚᐅᖅᑐᖅ ᓄᓇᓯ ᑯᐊᐳᕇᓴᓐ. ᑯᐊᐳᕇᓴᒃᑯᑦ ᐱᓐᖑᖅᑎᑕᐅᓚᐅᖅᑐᑦ ᑮᓇᐅᔭᓕᐅᕋᓱᐊᖅᑎᒋᔭᐅᓂᐊᕐᓂᕐᒧᑦ ᐱᕙᓪᓕᐊᑎᑦᓯᔨᒋᔭᐅᓗᓂ ᓱᓕ ᓴᖅᑭᖅᑕᐅᓚᐅᖅᑎᓐᓇᒍ ᑕᐃᑦᓱᒪᓂ ᓄᓇᕗᑦ ᐊᕕᑦᑐᕐᓯᒪᓂᖓ. ᐱᔾᔪᑎᓕᐊᖑᓯᒪᓚᐅᖅᑐᖅ ᐃᑲᔪᕐᓯᒪᔭᐅᔾᔪᑎᒃᓴᖏᓐᓄᑦ ᐃᓄᐃᑦ ᑐᓐᖓᕕᖃᑦᓯᐊᕐᓗᑎᒃ ᓄᓇᒋᔭᒥᓂ ᓯᓚᕐᔪᐊᒥ ᑲᓇᑕᒥ ᐱᓇᓱᐊᖅᑕᐅᔪᓂ.

  • ITK ᐱᓐᖑᑎᑦᓯᓚᐅᕐᒥᔪᑦ ᑲᑐᔾᔨᖃᑎᒌᓂᒃ ᑕᐃᔭᐅᔪᓂᒃ ᑐᓐᖓᕕᒃ ᐃᓚᒌᑦᓴᑦ ᓄᓇᕗᒻᒥ (TFN), ᒫᓐᓇ ᑕᐃᒎᓯᖃᓕᖅᑐᖅ ᓄᓇᕗᑦ ᑐᓐᖓᕕᒃ ᑎᒥᖓ. TFN ᑎᓕᔭᐅᓯᒪᔾᔪᑎᖃᓚᐅᖅᑐᖅ ᐱᓕᕆᖁᔭᐅᓪᓗᓂ ᐊᐃᕙᔾᔪᑎᖃᕐᓂᕐᒥᒃ ᑭᖑᓪᓕᕐᐹᕐᓯᐅᑎᓂᒃ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓂᒃ.  ᐱᓐᖑᖅᑎᑕᐅᕋᑖᒥᓂᐅᓪᓗᑎᒃ TFN, ᐃᓄᐃᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐱᕙᓪᓕᐊᔾᔪᑎᒃᓴᖏᓐᓄᑦ ᑯᐊᐳᕇᓴᒃᑯᑦ ᑭᖑᓂᐊᒍᑦ ᑕᐃᒎᓯᖅᑖᖅᑎᑕᐅᓕᓚᐅᖅᑐᑦ ᓄᓇᓯ ᑯᐊᐳᕇᓴᓐ.

  • ᐃᒪᐃᒋᐊᓐᖓᓚᐅᕐᒪᑦ, ᓄᓇᓯ ᑯᐊᐳᕇᓴᒃᑯᑦ ᑮᓇᐅᔭᓕᑕᐅᓪᓗᑎᒃ ᐊᑭᓕᑦᓴᓂᒃᑎᑕᐅᓪᓗᑎᒃ ᑮᓇᐅᔭᓂᒃ ᐊᑭᓕᑦᓴᖏᑦ ᓇᓪᓕᐅᒃᑯᒪᔾᔨᖅᑕᐅᓪᓗᑎᒃ ᓄᓇᑖᕐᓂᕐᒧᑦ ᐊᖏᕈᑎᓂᒃ ᐊᐃᕙᔾᔪᑕᐅᑎᓪᓗᒋᑦ ᓱᓕ ᑕᐃᑦᓱᒪᓂ.

  • ᐃᓚᖓ ᓯᕗᓪᓕᕐᐹᖑᓚᐅᖅᑐᓂ ᑳᓐᑐᓛᒃᑕᐅᓂᖏᓐᓂᒃ ᓄᓇᓯᒃᑯᑦ ᑰᓗᒫᒃ ᐅᔭᕋᓐᓂᐊᕐᕕᒃ ᐃᖅᑲᓇᐃᔭᖅᑎᑖᖁᓪᓗᒍ. ᑰᓗᒫᒃ ᒎᓗᓂᒃ ᐅᔭᕋᓐᓂᐊᕐᕕᐅᓚᐅᕐᓯᒪᔪᖅ 220 ᑭᓛᒥᑕᓂᒃ ᐅᖓᓯᓐᓂᓕᒃ ᔭᓗᓇᐃᕝ ᐅᐊᖕᓈᓂ.

  • 1985

    1985-ᒥ ᐋᔩᕋᕈᑕᐅᔪᖅ ᑳᓐᑐᓛᒃ ᐊᖏᕈᑕᐅᓚᐅᖅᑐᖅ ᑭᒡᒐᖅᑐᖅᑕᐅᓪᓗᑎᒃ ᓄᓇᓯ ᑯᐊᐳᕇᓴᓐ ᐊᒻᒪᓗ ᐃᓄᕕᐊᓗᐃᑦ ᑯᐊᐳᕇᓴᓐ ᓂᐅᕕᐊᖑᓂᖓᓄ ᐅᑭᐅᖅᑕᖅᑐᒥ ᐃᖏᕐᕋᔪᓕᕆᔨᒃᑯᑦ ᑲᒻᐸᓂ ᓕᒥᑎᑦ. ᑖᓐᓇ ᑎᒍᔭᐅᒋᐊᖃᓪᓚᕆᓚᐅᕐᒪᑦ ᐋᖅᑭᑦᓱᐃᒍᑕᐅᓂᐊᕐᓗᓂ ᐱᕙᓪᓕᐊᔾᔪᑎᒃᓂᓴᓄᑦ ᓯᕗᓂᕐᒥ ᐊᖏᓕᕙᓪᓕᐊᒍᑎᒃᓴᖓᓄᑦ ᓄᓇᓯ ᑯᐊᐳᕇᓴᒃᑯᑦ

    NTCL

  • 1986

    ᓄᓇᓯ ᑯᐊᐳᕇᓴᒃᑯᑦ ᐋᖅᑭᒋᐊᕆᓚᐅᖅᑐᑦ ᐋᖅᑭᑦᓯᒪᓂᕐᓂᒃ ᑮᓇᐅᔭᖁᑎᒥᒍᑦ ᐃᑲᔪᕐᓯᒪᒍᑎᒃᓴᒧᑦ ᐸᕐᓇᐅᑎᒥᓂᒃ ᐱᕈᕐᐸᓪᓕᐊᑲᓐᓂᕈᑎᒃᓴᖓᓄᑦ.

  • 1988

    ᓄᓇᓯ ᑲᑎᒪᔨᖏᑦ ᓯᕗᓕᖅᑎᖏᓪᓗ ᐋᖅᑭᒋᐊᕆᓚᐅᖅᑐᑦ ᑐᓐᖓᕕᓕᐊᕆᓯᒪᔭᒥᓂᒃ ᐊᒻᒪᓗ ᑐᕌᒐᒥᓂᒃ ᓴᖅᑮᑲᓐᓂᓂᕐᒥᒃ ᐱᓇᓱᐊᖃᑎᒥᓂᒃ ᐊᕕᑦᑐᕐᓯᒪᓂᕐᓂ ᐃᓄᐃᑦ ᑲᑐᔾᔨᖃᑎᒌᓂᒃ (ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᑦ, ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᑦ, ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ) ᐃᖅᑲᓇᐃᔭᖃᑎᒌᓐᓂᒃᑯᑦ ᐃᑲᔫᑎᒃᓴᓂᒃ ᓇᖕᒥᓂᖁᑎᒋᔭᓕᒫᒥᓄᑦ.

    RIAs

  • ᓄᓇᓯ ᐋᖅᑮᓚᐅᖅᑐᖅ ᑐᓐᖓᕕᒋᓂᐊᖅᑕᒥᓂᒃ ᑭᒡᒐᖅᑐᐃᔨᖃᕐᓂᕐᒥᒃ ᐊᕕᑦᑐᕐᓯᒪᓂᕐᓂ ᑮᓇᐅᔭᓕᐅᕋᓱᐊᖅᑏᑦ ᑯᐊᐳᕆᓴᒃᑯᑦ (ᕿᑎᕐᒥᐅᑦ ᑯᐊᐳᕇᓴᓐ, ᓴᒃᑯ ᐱᕈᕐᓴᐃᔩᑦ, ᐊᒻᒪᓗ ᕿᑭᖅᑖᓗᒃ ᑯᐊᐳᕇᓴᒃᑯᑦ ) ᓯᕗᓕᕐᓂᐊᕐᓂᖏᓐᓂᒃ ᐱᓇᓱᐊᒐᑦᓴᒥᒍᑦ ᑲᑎᒪᔨᐅᓂᕐᒥᒍᑦ ᓄᓇᓯ ᑲᑎᒪᔨᖏᓐᓂ.

    Regional Development Corporations

  • 1992

    1992-ᒥ ᓄᓇᓯ ᐊᑭᓖᓚᐅᖅᑐᖅ ᑮᓇᐅᔭᓂᒃ ᐊᑐᖅᑐᐊᕐᓯᒪᔭᒥᓂᒃ ᓇᓪᓕᐅᒃᑯᒫᓂᓪᓗ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᒃᑯᑦ. 

  • 1993

    ᐊᕐᕌᒍᕋᓴᓐᓂᒃ ᐊᐃᕙᔾᔪᑕᐅᓚᐅᖅᑐᖅ, ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑏᑦ ᐊᑎᓕᐅᖅᑕᐅᕋᑕᓚᐅᖅᑐᑦ ᒪᐃ 1993 ᐃᖃᓗᓐᓂ.

    NLCA signing

  • ᖄᖏᕐᓂᑯᓕᐊᖏᑦ ᓄᓇᓯᒃᑯᑦ ᑮᓇᐅᔭᓕᐅᕈᑕᐅᒃᑲᓐᓂᕈᓐᓇᖅᑐᓄᑦ ᐊᑐᖅᑕᐅᖃᑦᑕᖅᑐᑦ ᐊᓯᖏᓐᓂᒃ ᑎᒍᓯᔾᔪᑕᐅᓪᓗᑎᒃ ᐅᕝᕙᓘᓐᓃᑦ ᐊᑭᓖᒍᑕᐅᓪᓗᑎᒃ ᐃᓚᒋᔭᐅᔪᓄᑦ ᑐᓂᐅᖅᑲᑕᐅᓪᓗᑎᒃ. ᐃᓚᒋᔭᐅᔪᓄᑦ ᑐᓂᐅᖅᑲᐃᓂᕐᒧᑦ ᐊᑐᐊᒐᖃᓕᕐᖅᑐᑦ ᓇᓗᓇᐃᖅᑕᐅᓯᒪᑦᓯᐊᖁᓪᓗᒋᑦ ᐅᓄᕐᓂᖏᑦ ᓄᓇᓯ ᐸᐸᑦᑎᔨᒃᑯᓐᓄᑦ ᐊᕐᕌᒍᑕᒫᑦ ᑐᓂᔭᐅᔪᑦ. ᐸᐸᑦᑎᔨᒃᑯᓐᓂᒃ ᑐᓂᐅᖅᑲᖅᑕᐅᓯᖃᑦᑕᖅᑐᑦ ᑮᓇᐅᔭᑦ ᐱᖓᓱᓄᑦ ᐊᕕᑦᑐᕐᓯᒪᓂᕐᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ.

  • ᓄᓇᓯ ᑐᑭᒧᐊᒍᑎᒃᓴᓂᒃ ᐸᕐᓇᐅᑎᓕᐅᓚᐅᖅᑐᑦ ᖃᐅᔨᓇᓱᐊᕈᑎᒃᓴᓂᒃ ᐱᔾᔪᑎᒃᓴᐅᔪᓐᓇᖅᑐᓂᒃ ᓄᓇᕗᑦ ᐃᓗᐊᓂ ᓯᓚᑖᓂᓗ ᐊᒻᒪᓗ ᖃᐅᔨᓇᓱᐊᕈᑎᑐᐃᓐᓇᐅᓪᓗᑎᒃ ᑲᑐᔾᔨᖃᑎᒃᓴᓂᒃ ᐊᒻᒪᓗ ᑮᓇᐅᔭᓕᐅᕋᓱᐊᖃᑎᒋᔭᒃᓴᓂᒃ ᓄᓇᕗᒻᒥ ᖃᐃᖅᑯᔭᐅᒐᐃᒻᒪᑕ ᐊᕕᑦᑐᕐᓯᒪᓂᕐᓂ ᐃᓄᐃᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐱᕙᓪᓕᐊᔾᔪᑎᒃᓴᓕᕆᔨᖏᓐᓄᑦ ᑯᐊᐳᕇᓴᓄᑦ.

  • 1999

    ᓄᓇᕗᑦ ᐃᓕᓴᕆᔭᐅᓂᖃᓚᐅᖅᑐᖅ ᑲᓇᑕᒥᐅᖑᓂᕐᒧᑦ ᓇᓗᓇᐃᒃᑯᓯᖅᑕᐅᓂᖓ.

  • 2009

    ᓄᓇᓯ ᓇᓗᓇᐃᕐᓯᓯᒪᔪᑦ ᓇᖕᒥᓂᖁᑎᖃᖃᑕᐅᓂᕐᒧᑦ ᐅᑎᕐᕕᐅᓯᒪᓂᕐᒥᓂᒃ ᐅᖓᑖᓃᑦᑐᓂᒃ $3 ᒥᓕᔭᓐ 1999-ᒥᓂᒃ.

  • 2012

    2012-ᒥ ᒪᕐᕉᒃ ᐃᖅᑲᓇᐃᔮᒃ ᐊᖓᔪᖅᑳᖅ/ᐊᐅᓚᓂᐅᔪᓄᑦ ᐊᐅᓚᑦᓯᔨ ᐊᒻᒪᓗ ᐊᐅᓚᑦᓯᔨᒻᒪᕆᒃ ᓄᓇᓯᒃᑯᓐᓄᑦ ᓄᓇᕗᒻᒧᑦ ᓄᒃᑎᖅᑕᐅᒨᒃ.

  • ᑯᐊᐳᕇᓴᒃᑯᑦ ᐋᖅᑭᑦᓯᒪᓂᖏᑦ ᐊᐅᓚᑦᓯᔪᓐᓇᓂᕐᒧᑦ ᐋᖅᑭᒋᐊᖅᑕᐅᓚᐅᖅᑐᑦ ᐃᓚᓕᐅᔾᔭᐅᓪᓗᑎᒃ ᐊᖓᔪᖅᑳᖏᑦ ᐊᒻᒪᓗ ᐃᒃᓯᕙᐅᑕᖏᑦ ᐊᕕᑦᑐᕐᓯᒪᓂᕐᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᐱᕙᓪᓕᐊᔾᔪᑎᒃᓴᓕᕆᔩᑦ ᑯᐊᐳᕇᓴᓐ ᐊᒻᒪᓗ ᐊᖓᔪᖅᑳᖏᑦ ᐊᕕᑦᑐᕐᓯᒪᓂᕐᓂ ᐃᓄᐃᑦ ᑲᑐᔾᔨᖃᑎᒌᑦ.

  • 2013

    2013-ᒥ ᐊᕕᑦᑐᕐᓯᒪᓂᕐᓂ ᐃᓄᐃᑦ ᑲᑐᔾᔨᖃᑎᒌᑦ ᓴᖅᑮᔪᑦ ᓄᑖᒥᒃ ᓇᖕᒥᓂᖃᕐᓂᕐᒧᑦ ᐋᖅᑭᑦᓯᒪᓂᖓᓂᒃ ᓇᓗᓇᐃᕐᓯᓯᒪᔪᒥᒃ ᐊᒻᒪᓗ ᐋᖅᑭᑦᓯᒪᓂᖃᑦᓯᐊᖅᑐᒥᒃ ᑮᓇᐅᔭᓕᐅᕋᓱᐊᕈᑎᓄᑦ ᐊᑐᐊᒐᖏᓐᓂᒃ ᐊᕕᑦᑐᕐᓯᒪᓂᕐᓂ ᐃᓄᐃᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐱᕙᓪᓕᐊᔾᔪᑎᒃᓴᓕᕆᔨᒃᑯᑦ ᑯᐊᐳᕇᓴᒃᑯᑦ ᐊᒻᒪᓗ ᓄᓇᓯ.

  • 2014

  • 2016