2014-ᒥ ᓄᓇᓕᖏᓐᓂ ᐳᓚᕋᓐᓂᖓ ᔪᐊᑕᓐ ᑐᑑ

ᔫᓐ 16, 4-ᒥ ᐅᓪᓗᑯᑦ, ᖁᕐᓗᖅᑐᖅ
ᔫᓐ 17, 1-ᒥ ᐅᓪᓗᑯᑦ, ᑰᒑᕐᕈᒃ
ᔫᓐ17, 6-ᒥ ᐅᓪᓗᑯᑦ, ᑕᓗᕐᔪᐊᖅ
ᔫᓐ 18, 11-ᒥ ᐅᓪᓗᓴᒃᑯᑦ, ᐃᖃᓗᒃᑑᑦᑎᐊᖅ
ᔫᓐ 18, 3-ᒥ ᐅᓪᓗᑯᑦ, ᐅᖅᓱᖅᑑᖅ
2014-06-04-tootoo-tour-poster

 

2014 ᓄᓇᓯᒃᑯᓐᓄᑦ ᐃᓕᓐᓂᐊᖅᑐᒧᑦ ᐃᑲᔫᑎᒃᓴᓄᑦ ᑐᒃᓯᕋᐅᓯᐅᕐᕕᒃᓴᐅᓕᕐᒥᔪᖅ

ᐃᖃᓗᐃᑦ, ᓄᓇᕗᑦ (ᒪᐃ 23, 2014) – ᓄᓇᓯᒃᑯᑦ ᐃᓕᓐᓂᐊᖅᑐᒧᑦ ᐃᑲᑎᒃᓴᓄᑦ ᑐᒃᓯᕋᐅᓯᐅᕐᕕᒃᓴᐅᓕᕐᒥᔪᖅ ᖃᕆᓴᐅᔭᒃᑯᑦ ᑕᑕᑎᕋᑦᓴᑦ ᐱᔭᐅᔪᓐᓇᖅᑐᑦ ᐅᕙᓐᖓ www.nunasi.com.

ᖁᓕᓂᒃ (10) ᐃᓕᓐᓂᐊᖅᑐᒧᑦ ᐃᑲᔫᑎᒃᓴᖅᑕᓕᒃ ᐊᑐᐃᓐᓇᐅᔪᓂᒃ ᐊᑎᖃᖃᑕᐅᔪᓄᑦ ᓄᓇᕗᒻᒥ ᓄᓇᑖᕐᓂᕐᒧᑦ
ᐊᖏᕈᑎᓂ
ᐃᓕᓐᓂᐊᓛᖅᑐᓄᑦ ᖁᑉᕙᕆᐊᕈᑎᑖᕈᑎᒃᓴᓕᐅᕐᓂᕐᒧᑦ ᐃᓕᓐᓂᐊᑲᓐᓂᕕᖕᒥ 2014/2015 ᐃᓕᓐᓂᐊᕐᓇᐅᑉ ᐊᕐᕌᒍᐊᓂ. ᑐᒃᓯᕋᐅᑏᑦ ᖃᐅᔨᓴᖅᑕᐅᒍᑎᖃᕐᓂᐊᖅᑐᑦ ᐊᔪᓐᖏᓐᓂᖏᑎᒍᑦ ᖁᑦᓯᓂᕐᓴᒃᑯᑦ ᐃᓕᓐᓂᐊᕐᓂᖏᑦ ᐊᒻᒪᓗ ᑐᓂᓯᒪᓂᖏᑎᒍᑦ.

“ᐊᓯᔾᔨᓚᐅᖅᑕᕗᑦ ᑐᒃᓯᕋᐅᑏᑦ ᑕᑕᑎᕋᑦᓴᑦ ᐊᕐᕌᓂ ᐋᖅᑭᑦᓯᒪᒋᐊᖔᓕᖅᑐᒋᑦ ᐱᓇᓱᐊᕐᓂᓚᑦᑖᖏᑎᒍᑦ ᑐᒃᓯᕋᐅᓯᐅᖅᑐᑦ ᖁᑦᓯᓂᕐᓴᒥᒃ ᐃᓕᓐᓂᐊᖅᑕᖏᑎᒍᑦ. ᑐᒃᓯᕋᐅᓯᐅᖅᑐᑦ ᐃᓕᓐᓂᐊᕐᓂᖏᑎᒍᑦ ᑲᔪᓯᐊᑎᑦᓯᔪᑦ ᐃᓕᓐᓂᐊᓯᐊᕐᓂᕐᒥᒍᑦ ᐊᒻᒪᓗ ᐊᐃᑉᐹᓃᑦᑐᑦ ᑭᖑᓪᓕᕐᐹᖓᓂᓘᓐᓃᑦ ᐊᕐᕌᒍᒥ ᐃᓕᓐᓂᐊᒐᕐᒥᓂ ᐃᓕᓐᓂᐊᖅᑐᒧᑦ ᐃᑲᔫᓯᐊᖅᑖᕋᔭᕐᓂᖏᑦ ᓂᕆᐅᓇᕐᓂᕐᓴᐅᓂᐊᖅᑐᑦ. ᑐᓂᓯᒍᒪᒐᑦᑕ ᐱᓇᓱᐊᓪᓚᑦᑖᖅᑐᓂᒃ ᐊᔪᕐᓇᖏᓐᓂᓕᒫᖓᒍᑦ ᐱᓇᓱᐊᖅᑐᓂᒃ ᐊᒻᒪᓗ ᐱᐊᓂᒐᓱᐊᑦᓯᐊᖅᑐᓂᒃ ᐃᓕᓐᓂᐊᖅᑕᒥᓂᒃ.” ᐅᖃᖅᑐᖅ ᐅᑲᓕᖅ ᐃᔨᑦᓯᐊᖅ.

ᐃᓕᓐᓂᐊᖅᑐᒧᑦ ᐃᑲᔫᓯᐊᒃᓴᑦ ᑐᓂᔭᐅᓯᒪᓂᖏᓐᓄᑦ ᐊᔪᕐᓇᓐᖏᑎᑕᐅᔪᑦ ᓄᓇᓯ ᑯᐊᐳᕇᓴᒃᑯᓐᓂᒃ, ᓄᓇ ᓱᓇᒃᑯᑖᓕᕆᔨᒃᑯᑦ, ᓄᓇᕗᒻᒥ ᐃᓪᓗᓕᐅᖅᑏᑦ ᑲᒻᐸᓂ ᑮᓇᐅᔭᓕᐅᕋᓱᐊᖅᑎᖁᑎᖏᑕ ᑎᒥᖓ, ᐃᒡᒐᑖᕐᕖᑦ ᐊᒻᒪᓗ ᓛᒐ ᕿᑎᕐᒥᐅᑦ.

###

ᑐᑭᓯᒋᐊᒃᑲᓐᓂᕐᕕᒃᓴᑦ:

ᓯᐅᑎᐊᐱᒃ
ᑐᑭᒧᐊᒃᑎᑦᑎᔨ, ᑐᓴᐅᒪᖃᑦᑕᐅᑎᓂᕐᒧᑦ ᐱᔪᒐᕐᓴᐅᑎᓕᕆᔨᒃᑯᑦ
ᓄᓇᓯ ᑯᐊᐳᕇᓴᓐ
(ᐊ) 867 979 2160
(ᐃ) 867 222-2477
franco@nunasi.com

ᑕᑯᒋᐊᖃᑦᑕᖅᑎᒍᑦ ᖃᕆᓴᐅᔭᒃᑯᑦ ᑐᐃᑎᒃᑯᑦ www.twitter.com/nunasicorp ᐊᒻᒪᓗ
ᑲᓲᒪᔾᔪᑎᒃᑯᑦ ᕙᐃᔅᐳᒃ www.facebook.com/NunasiCorporation

 

ᓄᓇᓯ ᐊᒻᒪᓗ ᕿᑭᖅᑖᓗᒃ ᑯᐊᐳᕇᓴᓐ ᑎᒃᑯᐊᕐᓯᔪᑦ ᓄᑖᒥᒃ ᐊᖓᔪᖅᑳᒥᒃ ᓛᒐ ᐹᕕᓐᒧᑦ

larga-qc-nunasi

ᐋᑐᕚ, ᐋᓐᑎᕆᐅ (ᒪᐃ 5, 2014) – ᐅᑲᓕᖅ ᐃᔨᑦᓯᐊᖅ, ᓄᓇᓯ ᑯᐊᐳᕇᓴᒃᑯᑦ ᐊᖓᔪᖅᑳᖓ ᐊᒻᒪᓗ ᓕᕙᐃ ᐹᓇᐹᓯ, ᕿᑭᖅᑖᓗᒃ ᑯᐊᐳᕇᓴᒃᑯᑦ ᐊᖓᔪᖅᑳᖓ ᑎᒃᑯᐊᕐᓯᔪᑦ ᓕᓐ ᕿᓚᕝᕙᒃ ᓛᒐ ᐹᕕᓐ ᐋᓐᓂᐊᕐᕕᓕᐊᖅᑐᓄᑦ
ᑐᔪᕐᒥᕕᖕᒥ ᐊᖓᔪᖅᑳᖑᖁᓪᓗᒍ ᐋᑐᕚ, ᐋᓐᑎᕆᐅᒥ.

ᓛᒐ ᐹᕕᓐ ᓇᖕᒥᓂᖁᑎᒋᔭᐅᔪᖅ ᓄᓇᓯ ᑯᐊᐳᕇᓴᒃᑯᓐᓄᑦ ᐊᒻᒪᓗ ᕿᑭᖅᑖᓗᒃ ᑯᐊᐳᕇᓴᒃᑯᓐᓄᑦ. ᐊᖓᔪᖅᑳᖅ ᓛᒐ ᐹᕕᓐᒧᑦ ᐱᓕᕆᐊᒃᓴᓕᒃ ᖃᐅᔨᓴᕐᓂᕐᒥᒃ ᐊᐅᓚᓂᖓᓂᒃ ᐋᓐᓂᐊᕐᕕᓕᐊᖅᑐᓄᑦ ᑐᔪᕐᒥᕕᒃ ᐋᑐᕚᒦᑦᑐᖅ ᐱᔨᖃᑦᑕᖅᑐᖅ 13-ᓂᒃ ᕿᑭᖅᑖᓗᒃ ᓄᓇᓕᖏᓐᓂᒃ ᓄᓇᕗᒻᒥ.

“ᕿᑭᖅᑖᓗᒃ ᑯᐊᐳᕇᓴᒃᑯᑦ ᐊᖓᔪᖅᑳᖓᓄᑦ ᑐᒡᓕᕆᔭᐅᓚᐅᕐᓯᒪᓂᖓᓄᑦ ᖁᕕᐊᒋᔭᕗᑦ ᓕᓐ ᐅᑎᕐᓂᖓ ᕿᑭᖅᑖᓗᒃ ᑯᐊᐳᕇᓴᒃᑯᑦ ᑲᑐᔾᔨᖃᑎᒌᖏᓐᓄᑦ ᓛᒐ ᐹᕕᓐᒥ ᐊᖓᔪᖅᑳᖅᑖᕆᔭᐅᓂᖓᓄᑦ. ᐱᓕᕆᖃᑦᑕᕐᓯᒪᓂᖓ ᐊᒻᒪᓗ ᖃᐅᔨᒪᓂᖓ ᓱᖏᐅᑎᓯᒪᓂᕐᒥᒍᑦ ᐊᐅᓚᓂᐅᔪᓂᒃ ᐊᒻᒪᓗ ᐊᕕᑦᑐᕐᓯᒪᓂᕐᒥ ᐃᑲᔫᑎᓂᐊᖅᑐᖅ ᑲᒻᐸᓂᒧᑦ ᐊᒻᒪᓗ ᑐᔪᕐᒥᔭᖅᑐᖃᑦᑕᖅᑐᖁᑎᑦᑎᓐᓄᑦ.” ᐅᖃᓚᐅᖅᑐᖅ ᐹᓇᐹᓯ.

“ᐱᖕᒪᕆᐅᒻᒪᑦ ᓛᒐ ᐊᖓᔪᖅᑳᖓ ᐊᐅᓚᑦᓯᒍᓐᓇᑦᓯᐊᕆᐊᖃᕐᓂᖓ ᐊᐅᓚᓂᕆᔭᐅᒋᐊᓕᖕᓂᒃ ᓇᖕᒥᓂᖁᑎᒋᔭᐅᔪᒥᒃ ᐊᒻᒪᓗ ᖃᐅᔨᒪᓂᖃᕐᓗᓂ ᐊᒻᒪᓗ ᐅᖃᖃᑎᖃᕈᓐᓇᕐᓗᓂ ᑐᔪᕐᒥᖃᑦᑕᖅᑐᓂᒃ ᑭᒡᒐᖅᑐᐃᑦᓯᐊᕈᓐᓇᕐᓗᓂᓗ ᑖᒃᑯᓂᖓ. ᖃᐅᔨᒪᔪᒍᑦ ᓕᓐ ᐊᐅᓚᑦᓯᑦᓯᐊᕋᓱᐊᕐᓂᐊᕐᓂᖓᓂᒃ ᐊᔪᓐᖏᓐᓂᓕᒫᒥᒍᑦ ᐃᓄᖕᓄᑦ ᐋᑐᕚᓕᐊᖃᑦᑕᖅᑐᓄᑦ ᐋᓐᓂᐊᕐᕕᓕᐊᖅᑐᓄᑦ.” ᐅᖃᖅᑐᖅ ᐃᔨᑦᓯᐊᖅ.

-30-

ᑐᑭᓯᒋᐊᒃᑲᓐᓂᕐᕕᒃᓴᑦ:

ᓯᐅᑎᐊᐱᒃ
ᑐᑭᒧᐊᒃᑎᑦᑎᔨ, ᑐᓴᐅᒪᖃᑦᑕᐅᑎᓂᕐᒧᑦ ᐱᔪᒐᕐᓴᐅᑎᓕᕆᔨᒃᑯᑦ
ᓄᓇᓯ ᑯᐊᐳᕇᓴᓐ
(867) 222-2477

 

ᓄᓇ ᑲᓇᓐᓇᖅ – ᓄᑖᖅ ᐊᑐᕋᑦᓴᖅ ᐃᓄᐃᑦ ᓇᖕᒥᓂᖁᑎᓖᑦ ᑲᑐᔾᔨᓂᖏᓐᓄᑦ

nuna_east

ᐄᑉᕈ 9, 2014 (ᐃᖃᓗᐃᑦ, ᓄᓇᕗᑦ) – ᓄᓇ ᑲᓇᓐᓇᖅ ᓕᒥᑎᑦ ᑲᑎᒪᔨᖏᑦ ᖁᕕᐊᑦᑐᑦ ᑐᓴᖅᑎᑦᓯᒋᐊᑦᓴᖅ ᐱᐊᓂᓚᐅᕐᓂᕐᒥᖕᓂᒃ ᑐᑭᒧᐊᒍᑎᒃᓴᓂᒃ ᐸᕐᓇᐅᑎᓄᑦ ᐊᒻᒪᓗ ᑲᑎᒪᔩᑦ ᑲᑎᒪᓂᖓᓂᒃ ᐄᑉᕈ 1, 2014. ᑕᒪᕐᒥᒃ ᓇᖕᒥᓂᖁᑎᖃᖃᑎᒌᑦᑐᑦ ᓈᖕᒪᓴᖅᑐᑦ ᐊᐅᓚᓂᐅᒋᐊᓐᖓᓚᐅᖅᑐᒥᒃ ᓯᕗᓪᓕᕐᐹᒥ ᐊᕐᕌᒍᒥ ᐊᐅᓚᓂᐅᔪᒥᒃ ᐊᒻᒪᓗ ᑐᓂᓯᒪᓪᓗᑎᒃ ᐊᖏᕐᓯᒪᓂᒃᑯᑦ ᐊᑯᓂᐅᔪᒧᑦ-ᐊᑐᕋᑦᓴᒥᒃ ᑲᔪᓯᑎᑦᓯᓯᐊᕐᓂᐊᓂᕐᒥᒃ ᓄᓇ ᑲᓇᓐᓇᕐᒥᒃ.

ᓄᓇᓯ ᑯᐊᐳᕇᓴᒃᑯᑦ, ᐊᐅᓚᑦᓯᔨᒋᔭᐅᔪᑦ ᓄᓇ ᓱᓇᒃᑯᑖᖃᖅᑎᑦᑎᔨᒃᑯᓐᓄᑦ ᐊᒻᒪᓗ ᐱᖓᓱᑦ ᓄᓇᓖᑦ ᑯᐊᐸᖏᓐᓂ, ᒥᑦᑎᒪᑕᓕᒃ, ᐃᒡᓗᓕᒃ ᐊᒻᒪᓗ ᓴᓂᕋᔭᒃ ᓇᖕᒥᓂᖁᑎᓖᑦ ᓄᓇ ᑲᓇᓐᓇᖅ ᑲᑐᔾᔨᔪᓂ.

“ᓄᓇ ᑲᓇᓐᓇᖅ ᓇᓗᓇᐃᕐᓯᓯᒪᒍᑕᐅᕗᖅ ᐊᑐᕐᓂᖃᕐᓂᖓᓂᒃ ᐋᖅᑭᑦᓯᒪᓂᖓ ᑲᑐᔾᔨᓂᒃᑯᑦ ᐊᑐᖅᑕᐅᓪᓗᑎᒃ ᖃᐅᔨᒪᔪᕐᔪᐊᑦ ᐃᓄᐃᑦ ᓇᖕᒥᓂᖁᑎᖏᑦ ᑲᒻᐸᓃᑦ ᐊᒻᒪᓗ ᓄᓇᓕᖕᓂ ᑯᐊᐸᒃᑯᑦ ᐃᑲᔫᑎᒃᓴᓄᑦ ᓄᓇᕗᒻᒥᐅᕗᑦ, ᓄᓇᓕᕗᑦ ᐊᒻᒪᓗ ᓂᐅᕕᖃᑦᑕᖅᑎᐅᔪᑦ,” ᐅᖃᖅᑐᖅ ᐅᑲᓕᖅ ᐃᔨᑦᓯᐊᖅ, ᐃᒃᓯᕙᐅᑕᖓ ᓄᓇᓯ ᑯᐊᐳᕇᓴᒃᑯᑦ.

ᐊᖅᑯᑕᐅᓪᓗᓂ ᓄᓇ ᑲᓇᓐᓇᖅ ᓴᖅᑮᒍᓐᓇᕐᓯᓚᐅᖅᑐᒍᑦ ᐊᖅᑯᑎᒋᓂᐊᖅᑕᑎᓐᓂᒃ ᓄᓇᓖᑦ ᑮᓇᐅᔭᑎᒍᑦ ᐃᑲᔪᖅᑕᐅᔾᔪᑎᒃᓴᖏᓐᓂᒃ ᑐᕋᐃᓐᓇᕐᕕᐅᓗᑎᒃ ᐊᒻᒪᓗ ᑎᒍᓯᒃᑲᓐᓂᕈᑎᒃᓴᓂᒃ ᓇᖕᒥᓂᖏᑎᒍᑦ ᐱᕙᓪᓕᐊᔾᔪᑎᒃᓴᖏᓐᓂᒃ ᐊᒻᒪᓗ ᐱᕈᕐᐸᓪᓕᐊᒍᑎᒃᓴᖏᓐᓂᒃ ᐊᒻᒪᓗ ᐃᖅᑲᓇᐃᔮᑦᓴᓂᒃ ᐱᓕᒻᒪᒃᓴᐅᑎᒃᓴᓂᓪᓗ ᓴᓇᕕᒃᑕᐸᓪᓕᐊᓂᒃᑯᑦ ᓯᓚᑎᒥᓐᓂ,” ᐅᖃᒃᑲᓐᓂᓚᐅᖅᑐᖅ ᐃᔨᑦᓯᐊᖅ.

ᓄᓇ ᑲᓚᓪᓚᖅ ᑲᒪᒋᔭᖃᖃᑦᑕᖅᑐᖅ ᐅᖓᓯᑦᑐᒥᐅᑕᕐᓂ ᐅᑭᐅᖅᑕᖅᑐᒥ ᐱᕙᓪᓕᐊᔾᔪᑎᒃᓴᓂᒃ ᐱᓗᐊᖅᑐᒥ ᐃᓄᖕᓄᑦ ᐊᑐᕋᑦᓴᓄᑦ ᐱᕙᓪᓕᐊᑎᑦᓯᓂᕐᒥᒃ, ᐅᑭᐅᒃᑯᑦ ᐊᖅᑯᓯᐅᕐᓂᕐᒥᒃ ᐊᒻᒪᓗ
ᐊᖅᑯᑎᒋᔭᐅᔪᓐᓇᖅᑐᓂᒃ ᖃᖓᓕᒪᖅ ᐊᕐᕌᒍᒥ, ᐅᔭᕋᓐᓂᐊᕋᓴᓯᐅᕐᓂᕐᒥᒃ, ᐅᔭᕋᓐᓂᐊᓂᕐᒥᒃ, ᐅᔭᖅᑭᕆᓂᕐᒥᒃ, ᓴᓇᕕᖕᓂ ᐱᔨᑦᓯᕈᑎᓂ, ᐅᔭᕋᓐᓂᐊᕐᕕᖕᓂ ᐊᑐᖅᑕᐅᖃᑦᑕᕆᐊᓕᖕᓂ ᐃᑲᔫᑎᓂᒃ ᐊᒻᒪᓗ ᐅᖅᓱᐊᓗᒃᓴᓯᐅᖅᑐᓂ ᐊᒻᒪᓗ ᐱᖁᑎᕐᔪᐊᓂᒃ ᓴᓇᖃᑦᑕᖅᑐᓂ ᐱᔨᑦᓯᕈᑎᓂ.

“ᓄᓇ ᑲᓇᓐᓇᖅ ᑲᔪᓯᑎᑦᓯᑦᓯᐊᖃᑦᑕᕐᓯᒪᔪᖅ ᐱᖁᑎᕐᔪᐊᓄᑦ ᐱᕙᓪᓕᐊᑎᑦᓯᒍᑎᓕᕆᔪᓂᒃ ᐹᕕᓐᓛᓐ ᓄᓘᔮᓐᓂ ᐱᓕᕆᕕᒋᔭᐅᔪᒥ ᐊᒻᒪᓗ ᓇᖕᒥᓂᖁᑎᓖᑦ ᐱᓕᕆᖃᑕᐅᖃᑦᑕᕐᓂᖏᑦ ᐹᕕᓐᓛᓐ, ᓄᓇ ᑲᓇᓐᓇᖅ ᐊᒻᒪᓗ ᐊᓯᖏᑦ ᐃᓄᐃᑦ ᓇᖕᒥᓂᖁᑎᖏᑦ ᑲᒻᐸᓃᑦ ᐊᖏᓕᕙᓪᓕᐊᖁᓇᕐᓂᐊᕐᐳᑦ ᐊᑐᓕᖅᑎᑕᐅᕙᓪᓕᐊᓗᑎᒃ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐃᑲᔫᓯᐊᖅᑖᕈᑎᒃᓴᖏᓐᓄᑦ ᐊᖏᕈᑎᓕᐊᕆᓯᒪᔭᖏᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐊᒻᒪᓗ ᐹᕕᓐᓛᓐ,” ᐅᖃᒃᑲᓂᖅᑐᓂ ᐃᔨᑦᓯᐊᖅ.

-30-

ᑐᑭᓯᒋᐊᒃᑲᓂᕐᕕᒃᓴᖅ,

ᓯᐅᑎᐊᐱᒃ
ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐱᔪᒐᕐᓴᐅᑎᓄᓪᓗ
ᓄᓇᓯ ᑯᐊᐳᕇᓴᓐ
(867) 222-2477
franco@nunasi.com

Members of the Nuna East Board of Directors

ᓄᓇ ᑲᓇᓐᓇᖅ ᓕᒥᑎᑦ ᑲᑎᒻᒪᔨᒋᑦ

ᑯᐊᐸᐃᑦ ᒥᑦᓵᓄᑦ 

ᓄᓇᓕᖕᓄᑦ ᓇᖕᒥᓂᖁᑎᒋᔭᐅᔪᑦ ᑯᐊᐸᐃᑦ ᐅᑭᐅᖅᑕᖅᑐᒥ ᐅᓄᖅᑐᓂᒃ-ᐊᑑᑎᓖᑦ ᓇᖕᒥᓂᖁᑏᑦ ᐱᔨᑦᓯᕋᖅᑏᑦ ᐊᔾᔨᒌᓐᖏᑦᑐᓄᑦ ᐃᓚᒋᔭᐅᔪᖁᑎᒥᓄᑦ ᐊᒻᒪᓗ ᓄᓇᒥᖕᓄᑦ. ᐱᔨᑦᓯᕈᑕᐅᕙᑦᑐᑦ ᓄᓇᓖᑦ ᑯᐊᐸᖏᓐᓄᑦ ᐃᓚᒋᔭᐅᓪᓗᑎᒃ ᓂᐅᕕᕐᕕᖁᑕᐅᔪᑦ, ᑐᔪᕐᒥᕖᑦ ᐊᒻᒪᓗ ᐳᓚᕋᖅᑐᓕᕆᓂᕐᒧᑦ ᐊᐅᓚᑕᐅᔪᑦ, ᑕᓚᕖᓴᕈᓐᓇᐅᑏᑦ, ᓴᓇᐅᒐᕐᓂᒃ ᐱᔪᒐᕐᓴᐅᑏᑦ, ᐅᖅᓱᐊᓗᓕᕆᓂᖅ, ᐃᓪᓗᓕᐅᖅᑏᑦ ᐊᒻᒪᓗ ᐅᖁᒪᐃᑦᑐᕐᓂᐅᓯᕆᔩᑦ, ᐱᖁᑎᓂᒃ ᐊᑐᖅᑐᐊᑎᑦᓯᓂᖅ ᐊᒻᒪᓗ ᐊᔾᔨᒌᓐᖏᑦᑐᓂᒃ ᐱᔨᑦᓯᕈᑕᐅᕙᑦᑐᑦ ᑎᒥᐅᔪᓄᑦ.

ᓄᓇᓯ ᑯᐊᐳᕇᓴᒃᑯᑦ ᒥᑦᓵᓄᑦ

ᓄᓇᓯ ᑯᐊᐳᕇᓴᒃᑯᑦ 100% ᐃᓄᐃᑦ ᓇᖕᒥᓂᖁᑖᑦ ᐊᒻᒪᓗ ᓄᓇᕗᒻᒥ ᓇᖕᒥᓂᖁᑎᒋᔭᐅᔪᖅ ᑮᓇᔭᐅᓕᐅᕋᓱᐊᕐᓂᕐᒧᑦ ᑲᒻᐸᓂ, ᑮᓇᐅᔭᓕᐅᕋᓱᐊᕈᑎᖃᖃᑦᑕᖅᑐᖅ ᐃᓪᓗᓕᐅᕐᓂᕐᒥᒃ, ᐃᓪᓗᓕᕆᓂᕐᒥᒃ, ᓱᓇᒃᑯᑖᓂᒃ, ᓱᓇᒃᑯᑖᓕᕆᔩᑦ, ᐊᖏᓈᕐᓯᒪᔪᓂᒃ ᐅᖅᓱᐊᓗᖃᐅᑎᓕᕆᓂᕐᒥᒃ ᐊᒻᒪᓗ ᐅᖅᓱᐊᓗᓕᕆᓂᕐᒥᒃ, ᐋᓐᓂᐊᕐᕕᓕᐊᖅᓯᒪᔪᓄᑦ ᑐᔪᕐᒥᕕᓕᕆᓂᖅ ᐊᒻᒪᓗ ᓇᕿᑐᐃᓐᓇᕆᐊᓕᖕᓂᒃ ᑐᓴᐅᒪᖃᑦᑕᐅᑎᓕᕆᔾᔪᑎᓕᕆᓂᕐᒥᒃ.

ᓄᓇ ᓱᓇᒃᑯᑖᖃᖅᑎᑦᑎᔨᒃᑯᑦ ᒥᑦᓵᓄᑦ

ᓄᓇ ᓱᓇᒃᑯᑖᖃᖅᑎᑦᓯᔨᒃᑯᑦ ᓴᖅᑭᖅᑕᐅᓚᐅᖅᑐᑦ 1993-ᒥ ᓱᓇᒃᑯᑖᖃᖅᑎᑦᓯᔨᐅᓂᐊᕐᓗᑎᒃ, ᐃᓪᓗᓕᐅᖅᑎᓄᑦ ᐊᒻᒪᓗ ᐅᔭᕋᓐᓂᐊᖅᑎᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᐅᔭᕋᓐᓂᖅᑎᓄᒃ; ᐊᑐᖅᑕᐅᖃᑦᑕᖅᑐᖅ ᖃᐅᔨᒪᓂᖓᒍᑦ ᐊᔪᓐᖏᓐᓂᖓᒍᓪᓗ ᐊᐅᓚᑦᓯᓂᕐᒥᒃ ᐱᓕᕆᖃᑎᒌᓐᓂᕐᒥᒃ ᐊᒻᒪᓗ ᐃᓄᖕᓂᒃ ᑲᑐᔾᔨᖃᑕᐅᔪᓂᒃ, ᓱᖏᐅᑎᓯᒪᔪᓂᒃ ᐅᑭᐅᖅᑕᖅᑐᒥ ᐊᐅᓚᓂᐅᔪᓂᒃ. ᐱᔨᑦᓯᕈᑏᑦ ᒪᓂᒪᑎᑕᐅᕙᑦᑐᑦ:
ᐋᖅᑭᑦᓱᐊᓂᒃᓯᒪᔪᑦ ᑐᑭᓕᕇᒥᒃ ᐊᒻᒪᓗ ᐃᑎᕐᓴᑦ ᐅᔭᕋᓐᓂᐊᕐᕖᑦ; ᓴᓇᕕᒋᔭᐅᔪᑦ ᐅᔭᕋᓐᓂᐊᕋᑦᓴᓯᐅᖅᑐᓄᑦ ᐱᔨᑦᓯᕈᑏᑦ; ᐱᖁᑎᕐᔪᐊᓂᒃ ᐸᕐᓇᐅᑏᑦ ᐊᒻᒪᓗ ᐱᕙᓪᓕᐊᔾᔪᑎᒃᓴᑦ; ᑰᑦ ᓴᓇᔭᐅᓂᖏᑦ, ᓯᕐᒥᐅᖏᓐᓇᖅᑐᑦ ᐃᓗᖏᑦ ᑰᑦ, ᑰᕝᕖᑦ, ᒥᕝᕕᒃ ᐊᒻᒪᓗ ᓯᓚ ᖃᓄᐃᑦᑑᒐᓗᐊᕐᐸᑦ ᐊᖅᑯᓯᐅᕐᓂᕐᒥᒃ; ᓄᓇᓕᕆᔾᔪᑏᑦ ᐊᒻᒪᓗ ᓯᖃᓕᑦᓯᑏᑦ ᐅᔭᕋᓐᓂᒃ; ᐅᑭᐅᒃᑯᑦ/ᓯᑯᒃᑯᑦ ᐊᖅᑯᓯᐅᕐᓂᖅ, ᑲᒪᒋᔭᖃᕐᓂᖅ ᐊᒻᒪᓗ ᐊᐅᓚᑦᓯᓂᖅ ᐱᔨᑦᓯᕈᑎᓂᒃ; ᐊᒻᒪᓗ ᐅᖁᒪᐃᑦᑐᕐᓂᐅᑎᓅᖓᔪᓂᒃ ᐃᓕᓐᓂᐊᑎᑦᓯᓂᖅ.

ᓄᓇᓯ ᑯᐊᐳᕇᓴᒃᑯᑦ ᐊᒻᒪᓗ ᕿᑎᕐᒥᐅᑦ ᑯᐊᐳᕇᓴᒃᑯᑦ ᓇᖕᒥᓂᖁᑎᖓ 51% ᑲᑐᔾᔨᖃᑎᖃᖅᑐᑎᒃ ᓄᓇ ᓱᓇᒃᑯᑖᖃᖅᑎᑦᑎᔨᒃᑯᑦ ᐊᐅᓚᑦᓯᔨᖏᓐᓂᒃ ᓇᖕᒥᓂᖃᖅᑐᓂᒃ 49%.

 

ᐃᓄᕕᐊᓗᐃᑦ ᑯᐊᐳᕇᓴᒃᑯᑦ ᓄᓇᓯᒃᑯᓪᓗ ᐊᖏᖃᑎᒌᑦᑑᒃ ᓄᐊᑎᐅᕋᒃᑯᓐᓂᒃ ᓇᖕᒥᓂᖁᑎᖃᓂᕐᒧᑦ

Screen Shot 2014-04-01 at 9.32.54 AM

ᐄᑉᕈ 1, 2014 ᐅᐊᐃᓐ ᒍᐊᑕᓐ, ᐃᒃᓯᕙᐅᑕᖓ ᐃᓄᕕᐊᓗᐃᑦ ᑯᐊᐳᕇᓴᒃᑯᑦ ᐊᒻᒪᓗ ᐅᑲᓕᖅ ᐃᔨᑦᓯᐊᖅ, ᐃᒃᓯᕙᐅᑕᖓ ᓄᓇᓯ ᑯᐊᐳᕇᓴᒃᑯᑦ ᖁᕕᐊᓱᒃᑑᒃ ᑐᓴᖅᑎᑦᓯᓂᕐᒥᒃ ᐊᖏᖃᑎᒌᓐᓂᕐᒥᖕᓂᒃ ᐃᓄᕕᐊᓗᐃᑦ ᑯᐊᐳᕇᓴᒃᑯᑦ ᓂᐅᕕᕐᓂᖏᓐᓂᒃ ᓄᓇᓯᒃᑯᑦ 50% ᓇᖕᒥᓂᖁᑎᖃᖃᑕᐅᔾᔪᑎᖏᓐᓂᒃ ᓄᐊᑎᐅᕋᒃᑯᓐᓂᒃ. ᓇᓗᓇᐃᖅᑕᐅᓚᐅᖅᑐᖅ ᓂᐅᕕᐊᖑᓂᖓ ᓈᖕᒪᓂᕐᐹᒃᑰᕆᐊᖓ ᑕᒪᒃᑮᓐᓄᑦ ᐱᓇᓱᐊᖃᑎᒌᑦᑑᓐᓄᑦ, ᐃᓄᕕᐊᓗᐃᑦ ᑯᐊᐳᕇᓴᒃᑯᑦ ᓵᓐᖓᓂᕐᓴᐅᒍᓐᓇᕐᓂᐊᓕᕐᓂᖏᓐᓄᑦ ᓄᐊᑎᐅᕋᒃᑯᑦ ᐊᐅᓚᓂᖏᓐᓂᒃ ᐊᒻᒪᓗ ᓄᓇᓯ ᓵᓐᖓᓂᕐᓴᐅᒍᓐᓇᓕᕐᓗᓂ ᐋᖅᑭᒋᐊᕆᓂᕐᒥᒃ ᐋᖅᑭᑦᓯᒪᓂᖏᓐᓂᒃ ᓱᖏᖅᓲᑎᒃᓴᐅᓂᕐᓴᐅᓕᕐᓗᓂ ᓄᓇᕗᒻᒥ ᐊᑎᖃᖃᑕᐅᔪᓄᑦ.

“ᐃᓄᕕᐊᓗᐃᑦ ᑯᐊᐳᕇᓴᓐ ᓇᖕᒥᓂᖃᕐᓂᖓᒍᑦ, ᓄᐊᑎᐅᕋᒃᑯᑦ ᓇᖕᒥᓂᖁᑎᖃᖃᑕᐅᔪᖁᑎᖏᓪᓗ ᐊᐅᓚᓂᖃᐃᓐᓇᓂᐊᖅᑐᑦ ᐊᐅᓚᓂᕆᕙᒃᑕᒥᑐᑦ, ᐊᒻᒪᓗ ᓂᐅᕕᖃᑦᑕᖅᑐᑦ ᓇᓗᓇᐃᕐᕕᐅᔪᑦ ᐊᓯᔾᔨᓂᖅᑕᖃᔾᔮᖏᓐᓂᖓᓂᒃ ᐱᔨᑦᓯᕋᐅᑎᒋᕙᑦᑕᖏᓐᓂᒃ ᑲᒻᐸᓃᑦ, ᐃᓚᒋᔭᐅᓪᓗᑎᒃ ᑲᓇᐃᑎᔭᓐ ᓄᐊᑦ ᖃᖓᑕᔫᓕᕆᔩᑦ ᐊᐅᓚᓂᖏᑦ ᓄᓇᕗᒻᒥ ᐊᒻᒪᓗ NTCL ᐅᓯᑲᑦᑕᖅᑏᑦ ᐊᐅᓚᓂᖏᓐᓂᒃ ᕿᑎᕐᒥᐅᓂ,” ᐅᖃᖅᑐᖅ ᒍᐊᑕᓐ.

“ᓇᑯᕐᓴᖅᑐᒍᑦ ᑲᔪᓯᑎᑦᓯᓂᑦᑎᓐᓂᒃ ᑕᒪᒃᑮᓐᓄᑦ ᓈᖕᒪᑦᑐᒥᒃ ᓇᖕᒥᓂᖃᓂᕐᕐᒧᑦ ᓄᒃᑎᕆᓂᕐᒥᒃ ᐱᓕᕆᖃᑎᑦᑎᓐᓂᒃ ᐃᓄᕕᐊᓗᐃᑦ ᑯᐊᐳᕇᓴᖓᓂᒃ.

ᓂᐅᕐᕈᑕᐅᓂᖓ ᓄᐊᑎᐅᕋᒃᑯᓐᓂᒃ ᓇᖕᒥᓂᖁᑎᖃᖃᑎᖃᕐᓂᕐᒧᑦ, ᓄᓇᓯ ᑲᑎᒪᔨᖏᑦ ᐋᖅᑭᑦᓯᔪᑦ ᓄᓇᓯ ᐱᕈᕐᐸᓪᓕᐊᒍᑎᒃᓴᖏᓐᓂᒃ ᓇᖕᒥᓂᖁᑎᑦᑎᓐᓂᒃ ᐊᒻᒪᓗ ᐋᖅᑭᒋᐊᕐᓗᒋᑦ ᓇᖕᒥᓂᖁᑎᑦᑕ ᐱᔪᒪᔭᖏᑦ ᐱᖓᓱᓂ ᐊᕕᑦᑐᕐᓯᒪᓂᐅᔪᓂ ᑮᓇᐅᔭᓕᐅᕋᓱᐊᖅᑎᓄᑦ ᑯᐊᐳᕇᓴᓄᑦ ᐱᕚᓪᓕᕈᑎᒃᓴᖏᓐᓄᑦ ᓄᓇᕗᒻᒥᐅ,” ᐅᖃᖅᑐᖅ ᐃᔨᑦᓯᐊᖅ.

r
ᓄᓇᓯ ᐊᒻᒪᓗ ᐃᓄᕕᐊᓗᐃᑦ ᑯᐊᐳᕇᓴᒃᑯᑦ ᐱᕚᓪᓕᑎᑦᓯᓇᓱᐊᖏᓐᓇᓂᐊᖅᑐᑦ ᓇᖕᒥᓂᖁᑕᐅᔪᑦ ᐊᖏᓕᕙᓪᓕᐊᒍᑎᒃᓴᖏᓐᓂᒃ ᐅᑭᐅᖅᑕᖅᑐᒥ ᑲᑐᔾᔨᓂᒃᑯᑦ. ᐃᓄᕕᐊᓗᐃᑦ ᑯᐊᐳᕇᓴᒃᑯᑦ ᐊᒻᒪᓗ ᓄᓇᓯ ᓇᖕᒥᓂᖁᑎᖃᖃᑕᐅᔫᒃ ᒪᕐᕈᑲᓐᓃᓐᓄᑦ ᑲᒻᐸᓃᓐᓄᑦ, ᑲᓇᑕᒥ ᓄᓇᖃᖅᑳᖅᑐᒥᓂᕐᓄᑦ ᐱᔨᑦᓯᕋᖅᑏᑦ ᑲᒻᐸᓂ ᐊᒻᒪᓗ ᐅᑭᐅᖅᑕᖅᑐᓕᒫᒥ ᐃᓄᐃᑦ ᓱᓇᒃᑯᑖᖃᖅᑎᑦᑎᔨᒃᑯᑦ (PAIL).

-30-

ᑐᑭᓯᒋᐊᒃᑲᓐᓂᕐᕕᒃᓴᑦ:

ᕗᕌᓐᑯ ᐳᓯᒥ                                                   ᐅᐊᐃᓐ ᒍᐊᑕᓐ
ᑐᑭᒧᐊᒃᑎᑦᑎᔨ, ᑐᓴᐅᒪᖃᑦᑕᐅᑎᓂᕐᒧᑦ                  ᐃᒃᓯᕙᐅᑕᖅ
ᓄᓇᓯ ᑯᐊᐳᕇᓴᓐ                                             ᐃᓄᕕᐊᓗᐃᑦ ᑯᐊᐳᕇᓴᓐ
(867) 222-2477                                           (867) 777 7019
franco@nunasi.com                                 wgordon@inuvialuit.com

ᐃᓄᕕᐊᓗᐃᑦ ᑯᐊᐳᕇᓴᒃᑯᑦ ᒥᑦᓵᓄᑦ

ᐃᓄᕕᐊᓗᐃᑦ ᑯᐊᐳᕇᓴᒃᑯᑦ 100% ᐃᓄᕕᐊᓗᖕᓄᑦ ᑮᓇᐅᔭᓕᐅᕋᓱᐊᕈᑎᒃᓴᖁᑎᒋᔭᐅᔪᖅ, ᑮᓇᐅᔭᓕᐊᕋᓱᐊᕈᑎᒃᓴᓄᑦ ᑐᓐᖓᕕᓕᐊᖑᓯᒪᔪᖅ ᐊᑭᑐᔫᑎᓄᑦ ᐊᒻᒪᓗ ᐊᐅᓚᑕᐅᔪᓄᑦ ᑎᒍᒥᐊᖅᑏᑦ ᑲᒻᐸᓂ, ᒪᓂᒪᑎᑦᓯᖃᑦᑕᖅᑐᖅ ᐊᑕᖏᖅᑐᓂᒃ ᑲᑎᓯᒪᔪᓂᒃ ᖃᐅᔨᒪᔪᕐᔪᐊᓂᒃ, ᐊᔪᓐᖏᑐᕐᔪᐊᓂᒃ ᐊᒻᒪᓗ ᐊᑐᕋᑦᓴᓂᒃ ᐃᑲᔪᕐᓯᒪᒍᑎᒃᓴᓂᒃ ᓴᓇᕕᓕᕆᓂᒃᑯᑦ ᑮᓇᐅᔭᓕᐅᕋᓱᐊᕈᑎᒃᓴᓕᕆᔾᔪᑎᓂᒃ ᐅᑭᐅᖅᑕᖅᑑᑉ
ᐅᐊᓕᓂᖓᓂ.

ᓄᓇᓯ ᒥᑦᓵᓄᑦ

ᓄᓇᓯ ᑯᐊᐳᕇᓴᒃᑯᑦ 100% ᐃᓄᐃᑦ ᓇᖕᒥᓂᖁᑖᑦ ᐊᒻᒪᓗ ᓄᓇᕗᒻᒥ ᓇᖕᒥᓂᖁᑎᒋᔭᐅᔪᖅ ᑮᓇᔭᐅᓕᐅᕋᓱᐊᕐᓂᕐᒧᑦ ᑲᒻᐸᓂ, ᑮᓇᐅᔭᓕᐅᕋᓱᐊᕈᑎᖃᖃᑦᑕᖅᑐᖅ ᐃᓪᓗᓕᐅᕐᓂᕐᒥᒃ, ᐃᓪᓗᓕᕆᓂᕐᒥᒃ, ᓱᓇᒃᑯᑖᓂᒃ, ᓱᓇᒃᑯᑖᓕᕆᔩᑦ, ᐊᖏᓈᕐᓯᒪᔪᓂᒃ ᐅᖅᓱᐊᓗᖃᐅᑎᓕᕆᓂᕐᒥᒃ ᐊᒻᒪᓗ ᐅᖅᓱᐊᓗᓕᕆᓂᕐᒥᒃ, ᐋᓐᓂᐊᕐᕕᓕᐊᖅᓯᒪᔪᓄᑦ ᑐᔪᕐᒥᕕᓕᕆᓂᖅ ᐊᒻᒪᓗ ᓇᕿᑐᐃᓐᓇᕆᐊᓕᖕᓂᒃ ᑐᓴᐅᒪᖃᑦᑕᐅᑎᓕᕆᔾᔪᑎᓕᕆᓂᕐᒥᒃ.

ᓄᐊᑎᐅᕋᒃᑯᑦ ᒥᑦᓵᓄᑦ

ᓄᐊᑎᐅᕋᒃᑯᑦ ᓇᖕᒥᓂᕐᓱᖅᑐᒧᑦ ᑮᓇᐅᔭᓕᐅᕋᓱᐊᕈᑕᐅᔪᖅ ᑐᕌᖓᔪᓂᒃ ᐊᐅᓚᑦᓯᓂᕐᒥᒃ ᐊᒻᒪᓗ ᑎᒍᒥᐊᕐᓂᕐᒥᒃ ᑲᒻᐸᓂ ᐱᔨᑦᓯᖃᑦᑕᕐᓯᒪᔪᖅ ᑲᓇᑕᐅᑉ ᐅᑭᐅᖅᑕᖅᑐᖓᓂ 1985-ᒥᓂᒃ. ᓄᐊᑎᐅᕋᒃᑯᑦ ᐃᓚᒋᔭᐅᔪᖁᑎᖏᑦ ᑲᒻᐸᓃᑦ ᐃᓚᒋᔭᐅᓪᓗᑎᒃ:

ᑲᓇᐃᑎᔭᓐ ᓄᐊᑦ ᖃᖓᑕᔫᓕᕆᔨᒃᑯᑦ – ᑲᓇᑕ ᐅᑭᐅᖅᑕᖅᑐᖓᓂ ᓴᖅᑭᔮᕐᓂᖅᐸᑦ ᓱᐴᔫᓂ ᖃᖓᑕᔪᓕᕆᕙᑦᑐᓂ: ᐋᖅᑭᑦᓯᒪᔭᐅᔪᒃᑯᑦ ᐃᓄᒃᑕᖃᐅᑎᐅᕙᒃᑐᖅ ᐊᒻᒪᓗ ᐅᓯᔭᒃᓴᓂᒃ ᓄᓇᑦᓯᐊᓕᒫᒥ ᓄᓇᕗᒥᓗ ᐊᒻᒪᓗ ᖃᖓᑕᑎᑕᒃᓴᐅᕙᑦᑐᓂ ᓄᐊᑦ ᐊᒥᐊᓕᑲᓕᒫᒥ.

ᐅᑭᐅᑕᖅᑐᒥ ᐅᓯᑲᑦᑕᖅᑏᑦ ᑲᒻᐸᓂ ᓕᒥᑎᑦ (ᐅᓯᑲᑦᑕᖅᑏᑦ NTCL) – ᑕᕆᐅᒃᑯᑦ ᐅᓯᑲᑦᑕᖅᑏᑦ: ᑲᒪᒋᔭᖃᖃᖅᑕᖅᑐᑦ ᐅᓯᔭᒃᓴᓂᒃ ᐊᐅᓚᖅᑎᑕᐅᔪᓂᒃ ᑲᓇᑕᓕᒫᒥ, ᐊᓛᔅᑲᒥ ᐊᒻᒪᓗ ᐅᑭᐅᖅᑕᖅᑐᒥ.

ᕗᕋᐃᑕᓐ-ᕗᕆ ᓱᓇᒃᑯᑖᓕᕆᔩᑦ (BBE) – ᐊᖏᓂᕐᐹᖑᖃᑕᐅᔪᖅ ᓱᓇᒃᑯᑕᓕᕆᔨᓂ ᑲᒻᐸᓂᓂ ᑲᓇᑕᐅᑉ ᐅᑭᐅᖅᑕᖅᑐᖓᓂ ᒪᓂᒪᑎᑦᓯᔪᖅ ᓯᓚᕐᔪᐊᒥ ᓱᓇᒃᑯᑖᓕᕆᓂᕐᒥᒃ, ᓱᓇᒃᑯᑖᖃᖅᑎᑦᓯᓂᕐᒥᒃ ᑭᓱᑐᐃᓐᓇᕐᓂᒃ, ᐱᓕᕆᐊᒃᓴᓄᑦ ᐃᖅᑲᓇᐃᔭᖅᑎᖃᖅᑎᑦᓯᓂᕐᒥᒃ ᐊᒻᒪᓗ ᐅᓯᔭᒃᓴᓂᒃ ᐊᐅᓪᓚᖅᑎᒐᑦᓴᓂᓪᓗ ᐊᐅᓚᑦᓯᖃᑦᑕᓂᕐᒥᒃ.


ᐅᑭᐅᑕᖅᑐᒥ ᓴᓇᕕᓕᕆᔨᒃᑯᑦ ᓂᐅᕐᕈᑎᒃᓴᓂᒃ (NIS) – ᓱᓇᒃᑯᑖᖃᖅᑎᑦᓯᔨ ᓴᓇᕕᓕᕆᔨᓂᒃ ᐱᖁᑎᖃᖅᑎᑦᓯᓂᕐᒥᒃ ᐱᔨᑦᓯᖅᑎᐅᕙᑦᑐᑦ ᓇᐹᖅᑐᒥᓂᓕᕆᔪᓂᒃ, ᓇᐹᖅᑐᓕᓂᕐᒥᒃ, ᐅᖅᓱᐊᓗᓕᕆᓂᕐᒥᒃ, ᒑᓯᓕᕆᓂᕐᒥᒃ ᐊᒻᒪᓗ ᐅᔭᕋᓐᓂᐊᖅᑎᓂᒃ ᐱᓕᕆᕕᒋᔭᒥᒍᑦ 13-ᓂᒃ ᐱᓇᓱᐊᕐᕕᖃᖅᑐᑎᒃ ᐊᒻᒪᓗ ᐃᖕᒥᑰᖅᑐᓂᒃ ᕗᑎᔅ ᑲᓚᒻᕕᐊ ᐅᐊᖕᓈᓂ ᐊᒻᒪᓗ ᐊᐅᕘᑕ.

ᕕᐅᑦᑯᕕᐅᓪᔅ ᓴᓇᔩᑦ – ᓴᓇᔩᑦ ᓇᖕᒥᓂᖅ ᐋᖅᑭᓱᖅᑐᒍᑦ ᓴᓇᒻᒪᖏᑦ ᐅᖁᒪᐃᑦᑐᕐᓂᐅᑎᓄᑦ ᐃᓚᓕᐅᑎᒋᐊᓕᖕᓂᒃ ᐊᒻᒪᓗ ᐅᓯᔾᔪᑎᓕᖕᓄᑦ ᓄᓇᓯᐅᑎᓄᑦ ᕿᕐᖑᑎᓕᖕᓂᒃ ᐳᖅᑐᔪᓄᑦ ᖁᒻᒧᐊᑎᑦᓯᒍᑎᓂᒃ ᓱᓇᒃᑯᑖᑦᓴᓂᒃ ᓴᓇᖃᑦᑕᖅᑐᓄᑦ (OEMs) ᑐᓂᓯᒪᔪᑦ ᐱᔨᑦᓯᕋᖃᑦᑕᓂᕐᒧᑦ ᐊᑐᒃᑲᓐᓂᕈᓐᓇᖅᑐᓂᒃ ᐊᒻᒪᓗ ᐊᖅᑯᑎᓕᕆᓂᕐᒥᒃ.

 

BBE ᐊᒻᒪᓗ ᑭᑦᓄᓇ ᓄᑖᒥᒃ ᑮᓇᐅᔭᓕᐅᕋᓱᐊᖃᑎᒌᓐᓂᐊᖅᑐᓂᒃ ᓴᖅᑮᔪᑦ ᑭᑦᓄᓇ ᕗᕋᐃᑕᓐ-ᕗᕆ ᐱᕙᓪᓕᐊᑎᑦᓯᔩᑦ BBE ᓕᒥᑎᑦ

KBX

ᐃᖃᓗᑦᑑᑦᑎᐊᖅ, ᓄᓇᕗᑦ (ᒫᑦᓯ 4, 2014) – ᑕᐃᕕᑦ ᐅᒥᕐᕈᐃᑦᑐᖅ, ᐊᖓᔪᖅᑳᖅ KBX ᖁᕕᐊᓱᒃᑐᖅ ᑐᓴᖅᑎᑦᓯᒋᐊᒃᓴᖅ ᑎᒥᓐᖑᖅᑎᑕᐅᓂᖓᓂᒃ ᑭᑦᓄᓇ ᕗᕋᐃᑕᓐ-ᕗᕆ ᐱᕙᓪᓕᐊᑎᑦᓯᔩᑦ ᓕᒥᑎᑦ, “KBX”

ᐊᖓᔪᖅᑯᕕᖃᖅᑐᓂ ᐃᖃᓗᑦᑑᑦᑎᐊ, ᓄᓇᕗᑦ KBX ᑲᑎᒍᑕᐅᔪᖅ ᓴᓐᖏᓂᓕᒻᒪᕆᕐᔪᐊᒻᒪᕆᐊᓘᓐᓄᑦ ᐅᑭᐅᑕᖅᑐᒦᓯᒪᔫᓐᓄᑦ ᐱᐅᔪᕐᔪᐊᓐᓄᑦ ᑲᒻᐸᓃᓐᓄᑦ 50 ᐊᕐᕌᒍᑦ ᐅᖓᑖᓂ ᐱᓕᕆᖃᑦᑕᕐᓯᒪᓂᕐᒥᒍᑦ ᖃᐅᔨᒪᓂᓖᓐᓄᑦ ᐊᑐᕆᐊᓕᖕᓂᒃ ᐊᒻᒪᓗ ᓱᓇᒃᑯᑖᖑᔭᕆᐊᓕᖕᓂᒃ ᐊᐅᓚᑦᓯᓂᕐᒥᒃ, ᑭᒃᓄᓇ ᐊᒻᒪᓗ BBE. ᑭᑦᓄᓇ ᑯᐊᐳᕇᓴᓐ ᓇᖕᒥᓂᖁᑎᒋᔭᐅᔪᖅ ᑲᑐᔾᔨᖃᑎᒌᓐᓄᑦ ᕿᑎᕐᒥᐅᑦ ᑯᐊᐳᕇᓴᓐ ᐊᒻᒪᓗ ᓄᓇᓯ ᑯᐊᐳᕇᓴᓐ. BBE ᓇᖕᒥᓂᖁᑎᓪᓚᑦᑖᖑᔪᖅ ᐃᓘᓐᓈᒍᖅ ᓄᐊᑎᐅᕋᒃᑯᓐᓄᑦ.

ᐱᕙᓪᓕᐊᔪᒻᒪᕆᐅᓂᖓᓄᑦ ᕿᑎᕐᒥᐅᑦ ᓯᕗᒧᐊᒃᐸᓪᓕᐊᓪᓗᑎᒃ, ᐊᑐᕋᑦᓴᖅᑕᖃᕆᐊᖃᕐᓂᖓ ᐊᑕᖏᖅᑐᓂᒃ ᐱᔨᑦᓯᕈᑎᒃᓴᓂᒃ ᐱᕙᓪᓕᕐᓯᒪᔪᓪᓚᕆᐅᔪᖅ ᐊᒻᒪᓗ ᐱᕙᓪᓕᐊᓂᖃᖅᑐᓂ ᐱᔨᑦᓯᕈᑎᓄᑦ ᑖᒃᑯᓄᖓ ᑐᕌᒐᓪᓚᑦᑖᖓᓄᑦ ᑕᒪᒃᑮᒃ ᑭᑦᓄᓇ ᐊᒻᒪᓗ BBE. ᑲᔪᓯᑎᑕᐅᓯᒪᑦᓯᐊᖅᑐᑦ ᐊᑐᕆᐊᓕᖕᓄᑦ ᐊᖏᔪᕐᔪᐊᖑᓂᐊᖅᑐᖅ ᓇᓗᓇᐃᖅᓯᒍᑕᐅᓂᖓ ᑲᔪᓯᐊᑦᓯᐊᕐᓂᖏᓐᓄᑦ ᐱᓕᕆᐊᖑᔪᑦ ᕿᑎᒥᕐᐅᓂ ᐊᒻᒪᓗ ᑲᔪᓯᐊᑎᑦᓯᓯᐊᕐᓂᖏᑦ ᐊᑐᖅᑕᐅᒻᒪᕆᒋᐊᖃᖅᑐᑎᒃ ᒪᑭᒪᔾᔪᑎᓄᑦ ᐊᒻᒪᓗ ᐃᓅᓯᓕᕆᓂᕐᒧᑦ ᕿᑎᕐᒥᐅᓂ.
n
ᐋᓕᓐ ᑰᓪ, ᐊᖓᔪᖅᑳᖅ ᐊᒻᒪᓗ ᐊᐅᓚᑦᓯᔨᒻᒪᕆᒃ, ᑭᑦᓄᓇ ᑯᐊᐳᕇᓴᒃᑯᓐᓄᑦ, “KBX ᐃᑲᔫᑎᖃᕐᓂᐊᖅᑐᖅ ᐱᓕᕆᓯᒪᓂᕐᒥᒍᑦ ᐊᑐᖃᑦᑕᕐᓯᒪᔭᕐᒥᓂᒃ ᐊᒻᒪᓗ ᐊᐅᓚᑦᓯᒍᓐᓇᓂᕐᒥᒃ ᓵᖏᓐᓄᑦ ᐊᑐᖅᑕᐅᒋᐊᓕᖕᓂᒃ ᐋᖅᑭᑦᓯᒪᑦᓯᔨᐅᓂᕐᒧᑦ ᐃᓕᓴᕆᔭᐅᓯᒪᔪᒥᒃ ᐱᓕᕆᐊᖑᔪᑎᒍᑦ ᐱᓇᓱᐊᖅᑕᐅᔪᓂᒃ ᐋᔩᖃᓯᔮᕈᑎᒋᓯᒪᔭᑦᑎᓐᓂᒃ ᑲᑎᑦᓯᓂᕐᒥᒃ ᐱᓇᓱᐊᕈᑎᑦᑎᓐᓂᒃ.”

ᕼᐊᑐ ᓯᑑᕙᓐ, ᐊᖓᔪᖅᑳᖅ BBE, “ᐃᖅᑲᓇᐃᔭᖃᑎᒌᓯᒪᔪᒍᑦ ᐊᔾᔨᒌᓐᖏᑦᑐᓂ ᐊᐅᓚᑦᓯᒍᓐᓇᕐᕕᒋᔭᑦᑎᒍᑦ ᐊᕐᕌᒍᓂ ᖄᖏᖅᑐᓂ ᐊᒻᒪᓗ ᑖᓐᓇ ᑮᓇᐅᔭᓕᐅᕋᓱᐊᖃᑎᒌᒍᑦ ᐱᔭᕆᐊᑭᑦᑑᓪᓗᓂ ᐱᓇᓱᐊᕋᑦᓴᕆᓕᓚᐅᖅᑕᕗᑦ ᓇᓗᓇᐃᕐᓯᒪᔪᒃᑯᑦ ᐱᓕᕆᖃᑎᒌᓐᓂᐊᕐᓂᕆᓕᖅᑕᑎᓐᓄᑦ ᐃᑲᔫᑎᒃᓴᐅᓪᓗᓂ ᐱᔾᔪᑎᖃᑦᑕᑕᑦᑎᓐᓄᑦ ᐊᒻᒪᓗ ᓇᖕᒥᓂᖁᑎᖃᖃᑕᐅᔪᖁᑎᑦᑎᓐᓄᑦ. ᐅᒥᕐᕈᐃᑦᑐᖅ ᑕᑯᓐᓇᓐᖑᐊᒐᖓ ᑕᕝᕙᓂ ᐃᑲᔫᑎᖃᒻᒪᕆᓚᐅᖅᑐᖅ.”

ᑲᑐᔾᔨᖃᑎᒌᓐᓂᒃᑯᑦ ᓇᖕᒥᓂᖁᑎᒋᔭᕗᑦ ᑲᑎᒍᑕᐅᔪᖅ 150 ᐅᖓᑖᓃᑦᑐᓂᒃ ᐃᖅᑲᓇᐃᔭᖅᑎᓂᒃ ᐊᒻᒪᓗ ᐃᓂᒋᔭᐅᔪᓂᒃ ᐅᑭᐅᖅᑕᖅᑐᒥ ᐊᒻᒪᓗ ᖃᓪᓗᓈᓂ ᑲᓇᑕᒥ.

###

ᑐᑭᓯᒋᐊᒃᑲᓂᕐᕕᒃᓴᖅ:

ᑕᐃᕕᑦ ᐅᒥᕐᕈᐃᑦᑐᖅ, ᐊᖓᔪᖅᑳᖅ
KBX
867 983 2000

 

 

ᕿᑭᖅᑖᓗᖕᒥ ᐃᒡᒐᑖᕐᕕᒃ ᒫᓐᓇ ᐃᔨᓐᓂᐊᖅᑕᐅᕕᒃᑕᖃᖅᑎᑦᓯᓕᖅᑐᖅ

Baffin Optical is pleased to welcome Dr. Kathy Bourget O.D.ᕿᑭᖅᑖᓗᖕᒥ ᐃᒡᒐᑖᕐᕕᒃ ᑐᓐᖓᓴᐃᔪᖅ ᓘᑦᑖᖅ ᑳᑎ ᕗᐊᒍᐃᒥᒃ ᐃᔨᓐᓂᐊᖅᑎ

ᐃᖃᓗᐃᑦ, ᓄᓇᕗᑦ (ᒫᑦᓯ 4, 2014) – ᓄᓇᓯ ᑯᐊᐳᕇᓴᒃᑯᑦ ᖁᕕᐊᓱᑦᑐᑦ ᑐᓴᖅᑎᑦᓯᒋᐊᒃᓴᖅ ᕿᑭᖅᑖᓗᖕᒥ ᐃᒡᒐᑖᕐᕕᒃ ᐊᖏᓪᓕᒋᐊᖅᑎᑦᓯᓂᖓᓂᒃ ᐱᔨᑦᓯᕈᑎᒥᓂᒃ ᐊᒻᒪᓗ ᐃᔨᓐᓂᐊᖅᑕᐅᕕᒃᓴᖅᑖᖃᖅᑎᑦᓯᓕᖅᑐᑦ ᐃᔨᓐᓂᐊᖅᑕᒥᓂᐅᓗᓂ ᐃᔭᐅᑎᑖᕐᕕᒃᓴᐅᓕᖅᑐᖅ, ᐃᔭᐅᑎᓂᒃ ᐊᒻᒪᓗ ᐃᔨᒨᖅᑕᐅᓲᓂᒃ
ᐃᔭᐅᑎᓂᒃ.

“ᐃᓱᒪᒃᓴᕐᓯᐅᕈᑎᒋᓕᕋᐃᒐᑦᑎᒍᑦ ᐊᖏᓪᓕᕙᓪᓕᐊᒍᑎᒃᓴᑦ ᓇᖕᒥᓂᖁᑎᒋᔭᑦᑎᓐᓄᑦ, ᐃᓱᒪᒋᒋᐊᖃᑦᑕᖅᑕᕗᑦ ᐊᑐᖅᑕᐅᖏᓐᓇᕈᓐᓇᕋᔭᖅᑐᓂᒃ ᐱᓇᓱᐊᕐᓂᖅ ᐊᒻᒪᓗ ᐊᒃᑐᐃᓂᖃᕐᓂᐊᕐᓂᖏᓐᓂᒃ ᓄᓇᓕᖁᑎᑦᑎᓐᓂᒃ. ᓄᑖᖅ ᐱᔨᑦᓯᕈᑎ ᕿᑭᖅᑖᓗᖕᒥ ᐃᒡᒐᑖᕐᕕᒃ ᐊᑐᐃᓐᓇᐅᒪᑎᑦᓯᓂᕆᓂᐊᖅᑕᖓᓄᑦ ᐱᕚᓪᓕᕈᑕᐅᒻᒪᕆᓐᓂᐊᖅᑐᖅ ᐊᑐᐃᓐᓇᖃᕐᓂᕐᒥᒃ ᐃᖃᓗᓐᓂ ᕿᑭᖅᑖᓗᓕᒫᒥᓗ. ᑕᖅᑭᕋᓴᓐᓂᒃ ᐅᑕᖅᑭᖃᑦᑕᕐᓂᖅ ᐊᑐᖅᑕᑑᒐᔪᓚᐅᕐᒪᑦ ᐃᔨᓐᓂᐊᖅᑎᒥᒃ ᑕᑯᒍᒪᓗᓂ ᐃᖃᓗᓐᓂ, ᒫᓐᓇ ᕿᑭᖅᑖᓗᖕᒥ ᐃᒡᒐᑖᕐᕕᖕᒧᑦ ᑕᑯᔭᐅᕕᒃᓴᓕᐅᕈᓐᓇᓕᖅᑐᖅ ᐃᔨᓐᓂᐊᖅᑎᖁᑎᑦᑎᓐᓂᒃ”, ᐅᖃᓚᐅᖅᑐᖅ ᐅᑲᓕᖅ ᐃᔨᑦᓯᐊᖅ, ᐃᒃᓯᕙᐅᑕᖅ, ᓄᓇᓯ ᑯᐊᐳᕇᓴᒃᑯᓐᓂ.

ᐃᓂᒃᓴᓕᐅᕈᓐᓇᖅᑐᑎᑦ ᑕᑯᔭᐅᕕᒃᓴᓐᓂᒃ ᐅᖄᓚᓗᑎᑦ 867 979 4300 ᐊᑭᖃᓐᖏᑦᑐᒧᓪᓘᓐᓃᑦ 1 888 244 0084. ᓄᑖᖑᓕᖅᑎᓪᓗᒍ ᐱᔨᑦᓯᕈᑎᕗᑦ ᕿᑭᖅᑖᓗᖕᒥ ᐃᒡᒐᑖᕐᕕᒃ ᐊᓯᐊᓄᑦ ᓄᒃᑎᕐᓯᒪᓕᖅᑐᖅ ᐊᖏᓂᕐᓴᒧᑦ. ᕿᑭᖅᑖᓗᖕᒥ ᐃᒡᒐᑖᕐᕕᒃ ᒫᓐᓇ ᐃᖃᓗᐃᑦ ᕼᐊᐅᔅᒦᓕᖅᑐᖅ, ᐃᓪᓗ 622, ᐃᓂᖓ 99 (ᑎᑎᖅᑲᓂᐊᕐᕕᐅᑉ ᐊᑭᐊᓂ).

ᕿᑭᖅᑖᓗᖕᒥ ᐃᒡᒐᑖᕐᕕᒃ ᐃᓚᒋᔮ ᐴᓚ ᕕᓴᓐ ᓕᒥᑎᑦ ᓄᓇᓯᒃᑯᑦ ᓴᖅᑭᓚᐅᕐᓯᒪᔮᑦ ᐃᔨᓐᓂᐊᖅᑏᑦ ᔭᓗᓇᐃᕝᒥ 1986-ᒥ ᐊᒻᒪᓗ ᒪᑐᐃᕐᓯᓚᐅᖅᑐᑦ ᕿᑭᖅᑖᓗᖕᒥ ᐃᒡᒐᑖᕐᕕᖕᒥᒃ ᐃᖃᓗᓐᓂ 1989-ᒥ. ᓇᖕᒥᓂᖁᑎᒋᔭᐅᓂᖓ ᑲᒻᐸᓂ ᓄᓇᓯᒃᑯᓐᓄᑦ, ᐴᓚ ᕕᓴᓐ ᐊᒻᒪᓗ ᕿᑭᖅᑖᓗᖕᒥ ᐃᒡᒐᑖᕐᕕᒃ 100% ᐃᓄᐃᑦ ᓇᖕᒥᓂᖁᑎᖏᒃ.

ᐴᓚ ᕕᓴᓐ ᐊᐅᓚᑦᓯᔪᖅ ᒪᕐᕉᓐᓂᒃ ᐃᔭᐅᑎᓕᕆᕝᕖᖕᓂᒃ ᔭᓗᓇᐃᕝᒥ ᐊᒻᒪᓗ ᐃᖃᓗᓐᓂ (ᕿᑭᖅᑖᓗᖕᒥ ᐃᒡᒐᑖᕐᕕᒃ), ᐃᔨᓐᓂᐊᖅᑎᖃᖅᑐᓂ ᐴᓚ ᕕᓴᓐ ᓄᓇᓕᖕᓅᖃᑦᑕᖅᑐᓂᒃ ᓄᓇᑦᓯᐊᓕᒫᒥ ᓄᓇᕗᓕᒫᒥᓗ.

###

ᑐᑭᓯᒋᐊᒃᑲᓂᕐᕕᒃᓴᖅ:

ᕗᕌᓐᑯ ᐳᓴᒥ
ᑐᑭᒧᐊᒃᑎᑦᑎᔨ,
ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐱᔪᒐᕐᓴᐅᑎᒍᑎᓄᓪᓗ
ᓄᓇᓯ ᑯᐊᐳᕇᓴᓐ
ᐊ) 867 979 2160
ᐃ) 867 222 2477
franco@nunasi.com

ᖃᐅᔨᒋᐊᖃᑦᑕᖅᑎᒍᑦ ᑐᐃᑕᒃᑯᑦ ᐊᒻᒪᓗ ᕙᐃᔅᐳᒃᑯᑦ ᐱᐅᒋᓗᑎᒍ:
www.twitter.com/nunasicorp
www.facebook.com/NunasiCorporation

 
nunasixmas

ᓄᓇᓯᒃᑯᑦ ᐃᑲᔪᖅᑐᑦ ᐊᓂᕝᕕᐊᓂ ᓇᓪᓕᐅᓂᕐᓯᐅᕈᑎᒃᓴᓂᒃ ᓄᓇᕗᒻᒥᐅᓄᑦ

ᐃᖃᓗᐃᑦ, ᓄᓇᕗᑦ (ᑏᓰᒻᕙ 18, 2013) – ᓄᓇᓯ ᑯᐊᐳᕇᓴᒃᑯᑦ ᐃᒃᓯᕙᐅᑕᖓ, ᐅᑲᓕᖅ ᐃᔨᑦᓯᐊᖅ ᖁᕕᐊᓱᑦᑐᖅ ᑐᓴᖅᑎᑦᓯᒋᐊᑦᓴᖅ ᓄᓇᓯᒃᑯᑦ ᐃᑲᔪᓚᐅᕐᓂᖏᓐᓂᒃ $15,000 ᐊᓂᕝᕕᐊᓄᑦ/ᖁᕕᐊᓱᕝᕕᖕᒧᑦ ᓇᓪᓕᐅᓂᕐᓯᐅᕈᑎᒃᓴᓂᒃ.

ᓄᓇᓯᒃᑯᑦ ᐃᑲᔫᑎᖃᓚᐅᖅᑐᑦ $500-ᓂᒃ ᓄᓇᕗᑦ ᓄᓇᓕᓕᒫᖏᓐᓄᑦ 25-ᓄᑦ, ᑐᓐᖓᓱᕝᕕᖓ ᐃᓄᐃᑦ ᐋᑐᕚᒥ, ᓛᒐ ᐹᕕᓐ ᐋᑐᕚᒥ, ᓛᒐ ᑭᕙᓪᓕᖅ ᐅᐃᓂᐱᒡᒥ, ᓛᒐ ᓕᒥᑎᑦ ᐃᐊᑦᒥᓐᑕᓐᒥ, ᐊᒻᒪᓗ ᓛᒐ ᕿᑎᕐᒥᐅᑦ ᔭᓗᓇᐃᕝᒥ.

“ᐊᕐᕌᒍᒥ ᖁᕕᐊᓇᕐᓂᕐᐸᐅᒻᒪᑦ. ᓯᓚ ᐃᓱᒪᕐᓱᓇᓐᖏᒃᑲᓗᐊᖅᑎᓪᓗᒍ ᑭᓯᐊᓂ ᐊᓂᕝᕕᐊᓯᐅᕐᓂᕐᒧᑦ ᐱᓐᖑᐊᕐᓃᑦ ᖁᑉᕙᑲᓐᓂᓇᖅᑎᓪᓗᒋᑦ. ᑲᑎᒪᔩᑦ ᖁᕕᐊᓱᑦᑐᑦ ᐃᑲᔫᑎᖃᕈᓐᓇᓂᕐᒥᓂᒃ ᖁᕕᐊᓱᓐᓇᕐᒥ ᖁᕕᐊᓇᕐᓂᖓ ᑭᒃᑯᑐᐃᓐᓇᕐᓄᑦ ᓴᖅᑭᔮᖅᑎᓪᓗᒍ ᓄᓇᓕᖕᓂ ᐱᓐᖑᐊᕐᕖᑦ ᑕᑕᕋᖃᑦᑕᑎᓪᓗᒋ.” ᐅᖃᓚᐅᖅᑐᖅ ᐃᔨᑦᓯᐊᖅ.

ᕼᐊᓚᑦ ᐅᐸᓘᖅᑲᔪᒻᒪᕆᐅᓕᖅᑎᓪᓗᒋᑦ ᐸᕐᓇᑦᑐᑦ ᐊᓂᕝᕕᐊᕐᓯᐅᕈᑎᒃᓴᓄᑦ ᐱᓐᖑᐊᓂᕐᓄᑦ ᒧᒥᕐᓂᓄᓪᓗ, ᓛᒐ ᐊᖏᕐᕋᑦ ᓱᓕ ᐊᓂᕝᕕᐊᓯᐅᖅᑎᑦᓯᓂᐊᕐᒥᔪᑦ ᓇᓪᓕᐅᓂᕐᓯᐅᑎᑦᓯᓗᑎᒃ ᐋᓐᓂᐊᕐᕕᓕᐊᕐᓯᒪᔪᓂᒃ ᐊᖏᕐᕋᕐᓯᒪᔾᔮᖏᑦᑐᓂᒃ ᓄᓇᒥᓐᓂ ᓄᖅᑲᖓᓐᓇᐅᓂᖓᓂ.

“ᑭᒡᒐᖅᑐᐃᓗᖓ ᑲᑎᒪᔨᓂᒃ ᓄᓇᕗᒻᒥᐅᓕᒫᑦ ᑲᓇᑕᒥ ᖁᕕᐊᓱᕝᕕᓯᐅᑦᓯᐊᕐᓂᐊᖁᕙᒃᑲ ᐊᓂᕝᕕᐊᓂ ᐊᒻᒪᓗ ᐊᕐᕌᒍᑖᓵᒥ!”

 

2013 ᓄᓇᓯ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᓂᒃ ᑐᓂᔭᐅᔪᑦ ᑐᓴᖅᑕᐅᑎᑕᐅᔪᑦ

ᐃᖃᓗᐃᑦ, ᓄᓇᕗᑦ (ᐆᑦᑑᕝᕙ 15, 2013) – ᓄᓇᓯ ᑯᐊᐳᕇᓴᒃᑯᑦ ᑲᑐᔾᔨᖃᑎᖃᖅᑐᑎᒃ ᓄᓇ ᓱᓇᒃᑯᑖᖃᖅᑎᑦᑎᔨᒃᑯᓐᓂᒃ, NCC ᑮᓇᐅᔭᓕᐅᕋᓱᐊᖅᑏᑦ ᑲᑐᔾᔨᖃᑎᒌᑦ ᑎᒥᖓᓂᒃ, ᐴᓚ ᕕᓴᓐ ᐃᒡᒐᑖᕐᕖᑦ ᓕᒥᑎᑦ ᐊᒻᒪᓗ ᓛᒐ ᕿᑎᕐᒥᐅᑦ ᖁᕕᐊᓱᑦᑐᑦ ᑐᓴᖅᑎᑦᓯᔭᕆᐊᒃᓴᖅ ᑐᓂᔭᐅᓚᐅᖅᑐᓂᒃ 2013 ᓄᓇᓯᒃᑯᑦ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᖏᓐᓂᒃ;

  • ᔮᑯᕆ ᑲᔨᓐᔅ, ᐃᖃᓗᐃᑦ, ᖃᕆᓴᐅᔭᓕᕆᓂᕐᒥᒃ ᐃᓕᓐᓂᐊᖅᑐᖅ ᑳᕈᑕᓐ ᐃᓕᓐᓂᐊᕕᒡᔪᐊᖓᓂ;
  • ᓄᐊᒪ ᑕᓂᖕ, ᐃᐊᑦᒥᓐᑕᓐ, ᐊᐅᕘᑕ, ᖁᑦᓯᓂᕐᐹᓂᒃ ᐃᓕᓐᓂᐊᓂᒃᑯᑦ ᓇᓗᓇᐃᒃᑯᑕᖅᑖᕋᓱᐊᖅᑐᓂ ᐊᔾᔨᒌᓐᖏᑦᑐᓄᑦ – ᓄᓇᖃᖅᑳᕐᓯᒪᔪᓂᒃ ᐃᓕᓐᓂᐊᖅᑐᓂ ᐊᐅᕘᑕ ᐃᓕᓐᓂᐊᕕᒡᔪᐊᖓᓂ;
  • ᐊᓖᓴ ᕙᓚᐅᕋᑎ-ᓯᐱᐊᓐᔅ, ᐃᖃᓗᐃᑦ, ᓄᓇᕗᑦ, ᒪᓕᒐᕐᓂᐊᖅᑎᒻᒪᕆᐅᓂᕐᒥᒃ – JD/ᒥᐊᓕᒐᕐᓂ/ᑲᓇᑕᒥ ᐃᓕᓐᓂᐊᕈᑦ ᐋᑐᕚ ᐃᓕᓐᓂᐊᕕᒡᔪᐊᖓᓂ;
  • ᓇᐸᑦᓯ ᕘᒐ, ᐃᖃᓗᐃᑦ, ᓄᓇᕗᑦ ᐃᓕᓴᕆᔭᐅᔾᔪᑎᒻᒪᕆᑦᑖᕋᓱᐊᖅᑐᖅ ᓇᓗᓇᐃᒃᑯᑕᕐᒥᒃ – ᐃᑲᔫᑎᒃᓴᐅᔪᓐᓇᖅᑐᓂᒃ ᐃᓅᓐᓇᔮᕐᓂᕐᒧᑦ ᑑᕌᓐᑐ ᐃᓕᓐᓂᐊᕕᒡᔪᐊᖓᓂ;
  • ᓕᓐ ᕿᓚᕝᕙᖅ, ᐸᓐᓂᖅᑑᖅ, ᓄᓇᕗᑦ, ᐃᓕᓴᕆᔭᐅᔾᔪᑎᒻᒪᕆᑦᑖᕋᓱᐊᖅᑐᖅ ᓇᓗᓇᐃᒃᑯᑕᕐᒥᒃ ᐃᓕᓐᓂᐊᑎᑦᓯᔨᒧᑦ ᓄᓇᕗᒻᒥ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᖓᓂ;
  • ᓈᑎᐊ ᓴᒻᒧᖅᑐᖅ, ᑲᖏᕐᖠᓂᖅ, ᓄᓇᕗᑦ, ᐃᓕᓐᓂᐊᖅᑐᖅ ᐃᓕᓴᕆᔭᐅᔾᔪᑎᒻᒪᕆᑦᑖᕋᓱᐊᖅᑐᖅ ᓇᓗᓇᐃᒃᑯᑕᕐᒥᒃ ᐃᓕᓐᓂᐊᑎᑦᓯᔨᒧᑦ
    ᓄᓇᕗᒻᒥ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᖓᓂ;
  • ᐊᓃᑕ ᐆᑦᑐᕙᒃ, ᒥᑦᑎᒪᑕᓕᒃ, ᓄᓇᕗᑦ ᐃᓕᓴᕆᔭᐅᔾᔪᑎᒻᒪᕆᑦᑖᕋᓱᐊᖅᑐᖅ ᓇᓗᓇᐃᒃᑯᑕᕐᒥᒃ ᐃᓱᓕᕆᓂᕐᒧᑦ;
  • ᓛᑯᓗᒃ ᐅᐃᓕᐊᒻᓴᓐ-ᕚᑐᕆ, ᐃᖃᓗᐃᑦ, ᓄᓇᕗᑦ ᐃᓕᓴᕆᔭᐅᔾᔪᑎᒻᒪᕆᑦᑖᕋᓱᐊᖅᑐᖅ ᓇᓗᓇᐃᒃᑯᑕᕐᒥᒃ ᐃᓱᒪᓕᕆᓂᕐᒥᒃ ᐃᓕᖅᑯᓯᖃᑎᒌᓐᖏᑦᑐᓄᑦ ᒪᒡᒋᐅ ᐃᓕᓐᓂᐊᕕᒡᔪᐊᖓᓂ;
  • ᑯᕆᔅᑕ ᔭᑖᔅᑭ, ᑲᖏᕐᖠᓂᖅ, ᓄᓇᕗᑦ, ᓄᓇᕐᔪᐊᒥ ᐃᓄᖏᑕ ᐊᔾᔨᒌᓐᖏᓐᓂᖏᓐᓂᒃ ᐃᓕᓐᓂᐊᕐᓂᖅ ᕗᑎᔅ ᑲᓚᒻᕕᐊ ᐃᓕᓐᓂᐊᕕᒡᔪᐊᖓᓂ; ᐊᒻᒪᓗ
  • ᑕᐃᔮᓐ ᐃᔭᐃᒍ, ᖃᒪᓂ’ᑐᐊᖅ, ᓄᓇᕗᑦ, ᐃᓕᓴᕆᔭᐅᔾᔪᑎᒻᒪᕆᑖᕋᓱᐊᖅᑐᖅ ᓇᓗᓇᐃᒃᑯᑕᕐᒥᒃ ᖃᓪᓗᓈᑦ ᖃᐅᔨᓴᖅᑎᕐᔪᐊᖏᑕ ᖃᐅᔨᓴᕈᓯᖏᓐᓂᒃ ᓄᓇᕗᒻᒥ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᖓᓂ ᐋᓐᓂᐊᓯᐅᖅᑎᒃᓴᓄᑦ, ᑐᓂᔭᐅᔪᖅ ᒋᓕᓇ ᔨᓕᓐᔅᑭ ᐃᒡᒐᓕᕆᕕᖕᒥᒃ ᐃᓕᓐᓂᐊᑲᓐᓂᖅᑐᒧᑦ ᐃᑲᔫᑎᒃᓴᒥᒃ.

“ᖁᕕᐊᒃᑯᑎᔭᐃᓐᓇᕆᕙᒃᑲ ᑐᓐᓂᖅᑯᓯᐊᓚᐅᖅᑐᑦ ᐊᒻᒪᓗ ᐊᑐᓂᑦ 88 ᐱᓇᓱᐊᓚᐅᖅᑐᑦ ᑲᔪᓯᑦᓯᐊᖁᓪᓗᒋᑦ ᐃᓕᓐᓂᐊᖅᑕᒥᓂᒃ. 2013 ᓄᓇᓯᒃᑯᑦ ᐃᓕᓐᓂᐊᑲᓐᓂᖅᑐᒧᑦ ᐃᑲᔫᑎᖏᓐᓂᒃ ᑐᓐᓂᖅᑯᓯᐊᖅᑎᑕᐅᓚᐅᖅᑐᑦ ᐃᓕᓐᓂᐊᖅᑐᑦ ᑕᑯᑦᓴᒃᑯᑦ ᑐᓂᓯᒪᑦᓯᐊᕐᓂᖏᓐᓂᒃ ᐃᓕᓐᓂᐊᖅᑕᒥᓄᑦ. ᑲᔪᓯᑎᑦᓯᔪᑦ ᐃᓄᐃᑦ ᐊᒻᒪᓗ ᓄᓇᕗᑦ ᖃᐅᑉᐸᐅᓂᐊᖅᑐᒧᑦ ᑐᓐᖓᕕᒋᒐᑦᑎᒍ ᐃᓕᓐᓂᐊᖅᑐᖁᑎᕗᑦ ᐃᓕᓐᓂᐊᖅᑕᖏᑎᒍᑦ ᐅᓪᓗᒥ,” ᐅᖃᖅᑐᖅ ᐅᑲᓕᖅ ᐃᔨᑦᓯᐊᖅ, ᐃᒃᓯᕙᐅᑕᖅ, ᓄᓇᓯ ᑯᐊᐳᕇᓴᒃᑯᓐᓂ.

ᒋᓕᓇ ᔨᓕᓐᔅᑭ (1970-2002) ᐃᖅᑲᓇᐃᔮᖃᓚᐅᖅᑐᖅ ᐴᓚ ᕕᓴᓐᑯᓐᓂ 1994-ᒥᓂᒃ 2002-ᒧᓄᑦ. ᑐᓂᓯᒪᑦᓯᐊᕐᓱᓂ ᐃᖅᑲᓇᐃᔭᓚᐅᖅᑐᖅ ᑕᑯᑦᓴᐅᑎᑦᓯᕙᑦᑐᓂ ᖁᕕᐊᒋᔭᖃᕐᓂᕐᒥᓂᒃ ᐱᔾᔪᑎᔭᓕᒫᒥᓄᑦ. ᐃᖅᑲᐅᒪᔾᔪᑕᐅᓪᓗᓂ ᒋᓕᓇᒥᒃ, ᐴᓚ ᕕᓴᓐ ᐊᒻᒪᓗ ᓄᓇᓯ ᑯᐊᐳᕇᓴᒃᑯᑦ ᖁᕕᐊᓱᑦᑐᑦ ᐃᑲᔫᑎᒥᓂᒃ
ᐃᓕᓐᓂᐊᑲᓐᓂᖅᑐᒧᑦ ᑐᓐᓂᖅᑯᓯᐊᒥᒃ.