Career Opportunities

Nunasi’s group of companies create job opportunities for Inuit across Nunavut and outside Nunavut.

Nunasi Corporation has investments in a wide-array of industries including retail, transportation, manufacturing, insurance, travel, education, multimedia, fuel distribution, digital communications, medical boarding facilities, contracting and commercial real estate.

ᐃᖅᑲᓇᐃᔮᑦᓴᖅ
ᐊᖓᔪᖅᑳᖓ ᐊᐅᓚᑦᓯᔨᒻᒪᕆᐅᓯᓐᓈᑦ “CEO”
ᒪᑐᕕᒃᓴᖓ: ᐋᒌᓯ 23, 2019

1986−ᒥᒃ, ᓄᓇᓯ ᑯᐊᐳᕇᓴᒃᑯᑦ, 100% ᐃᓄᐃᑦ−ᓇᖕᒥᓂᖁᑎᖓ ᓇᖕᒥᓂᖁᑎᖃᕐᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᓐ ᐃᖃᓗᓐᓃᑦᑐᖅ, ᓄᓇᕗᒻᒥ, ᑐᓂᓯᒪᕗᖅ ᓴᖅᑮᓂᕐᒥᒃ ᒪᑭᒪᒍᑎᒃᓴᓂᒃ ᓄᓇᕗᒻᒥᐅᓄᑦ. ᓄᓇᓯ ᑯᐊᐳᕇᓴᓐ ᑮᓇᐅᔭᓕᐅᕋᓱᐊᕈᑎᒃᓴᓖᑦ ᐊᔾᔨᒌᓐᖏᑦᑐᓂᒃ−ᐊᕙᖕᒧᓕᖓᔪᓂᒃ ᓴᓇᒡᕕᖕᓂᒃ ᐃᓚᒋᔭᐅᓪᓗᑎᒃ ᓂᐅᕕᕐᕕᓕᕆᓂᖅ, ᐅᖅᓱᐊᓗᓕᕆᓂᖅ ᐊᒻᒪᓗ ᐅᖅᓱᐊᓗᒃᑕᐅᑎᓕᕆᓂᖅ, ᑐᓴᐅᒪᔾᔪᑎᒃᓴᓕᕆᓂᕐᒥᒃ ᖃᕆᓴᐅᔭᒃᑯᑦ, ᐋᓐᓂᐊᕐᕕᓕᐊᖅᑐᓄᑦ ᑐᔪᕐᒥᕕᖕᓂᒃ, ᑳᑐᓐᓛᓂᒃ, ᐊᒻᒪᓗ ᑮᓇᐅᔭᓕᐅᕋᓱᐊᕈᑎᓂᒃ ᐃᓪᓗᖁᑎᖃᕐᓂᒃᑯᑦ.

ᐅᓂᒃᑳᕐᕕᖃᕐᓗᓂ ᑐᕋᐃᓐᓇᖅᑐᒥᒃ ᑲᑎᒪᔨᓄᑦ, ᐊᖓᔪᖅᑳᖓ ᐊᐅᓚᑦᓯᔨᒻᒪᕆᐅᓯᓐᓈᑦ “CEO” ᓴᖅᑭᔮᖅᑎᑦᓯᓂᐊᖅᑐᖅ ᐊᑐᕐᓯᒪᔭᒥᓂᒃ ᑲᑐᔾᔨᖃᑎᒌᓄᑦ ᓯᕗᓕᕐᓂᕐᒥᒃ ᑲᔪᓯᐊᑎᓯᒪᔭᒥᓂᓪᓗ ᐃᓘᓐᓈᒍᑦ ᐱᕚᓪᓕᕈᑎᒃᓴᓂᒃ ᑐᑭᒧᐊᒍᑎᒃᓴᓄᑦ, ᑮᓇᐅᔭᓕᕆᓂᕐᒥᒃ, ᐃᖅᑲᓇᐃᔭᖅᑐᓕᕆᓂᕐᒥᒃ ᐊᒻᒪᓗ ᐊᐅᓚᑕᐅᒋᐊᓕᖕᓂᒃ ᐊᐅᓚᑦᓯᓂᕐᒥᒃ ᐅᓄᖅᑐᓃᓐᖔᖅᑐᓂᒃ ᑲᑐᔾᔨᖃᑎᒌᓂᒃ. ᓯᕗᓕᕐᓯᓈᕐᓗᓂ ᐱᓕᕆᔨᐅᔪᓄᑦ ᐊᖓᔪᖅᑳᖅ ᐊᐅᓚᑦᓯᔨᒻᒪᕆᒋᔭᐅᓯᓐᓈᑦ ᑲᔪᓯᑎᑦᓯᓂᐊᖅᑐᖅ ᓄᓇᓯ ᑐᑭᒧᐊᒍᑎᒃᓴᖏᓐᓂᒃ ᑐᕌᒐᖏᓐᓄᑦ ᐊᒻᒪᓗ ᐋᖅᑭᑦᓯᓯᒪᐃᓐᓇᕐᓗᓂ ᓄᓇᓯ ᑯᐊᐳᕇᓴᒃᑯᓐᓂᒃ ᐊᑐᕋᑦᓴᑦᓯᐊᖑᒋᐊᖓ ᖃᐅᔨᒪᔭᐅᑦᓯᐊᕐᓗᓂᓗ ᑲᑐᔾᔨᖃᑎᒌᑦ ᑕᒪᒃᑯᑎᒎᓇ ᐊᔾᔨᒌᓐᖏᑦᑐᓄᑦ ᐱᓕᕆᒡᕕᓐᓂ ᐊᐅᓚᓂᐅᔪᓂᒃ ᐊᐅᓚᑦᓯᓂᕐᒧᑦ.

ᐊᔪᓐᖏᑐᕐᔪᐊᖑᔪᖅ ᓴᖅᑭᐅᓪᓗᓂᓗ ᓯᕗᓕᖅᑎ, ᐃᖅᑲᓇᐃᔮᖅᑖᕋᓱᐊᖅᑐᖅ ᑎᑭᐅᑎᓯᒪᔪᓂᒃ ᖁᓕᓄᑦ ᐅᑭᐅᓄᑦ ᐅᔾᔨᓇᖅᑐᒥᒃ ᓇᖕᒥᓂᖁᑎᖃᕐᓂᕐᒧᑦ ᐱᓕᕆᓯᒪᒋᐊᓕᒃ ᐊᐅᓚᑦᓯᔨᐅᓯᒪᓂᒃᑯᑦ. ᐱᔪᒐᕆᔭᐅᓂᕐᓴᖅ, ᑲᒪᓯᒪᒍᕕᑦ ᐊᒡᒐᖕᓄᑦ ᐊᐅᓚᑦᓯᖃᑦᑕᕐᓯᒪᓗᑎᒃ ᐋᖅᑭᑦᓱᐃᓂᕐᒥᒃ ᑲᔪᓯᑎᑦᓯᓂᕐᒥᓪᓗ ᐱᖕᒪᕆᐊᓘᔪᓂᒃ ᑐᑭᒧᐊᒍᑎᒃᓴᓂᒃ ᐸᕐᓇᐅᑎᓄᑦ, ᐊᒻᒪᓗ ᐃᓕᓐᓂᐊᕌᓂᒃᓯᒪᓗᑎᑦ ᐃᓕᓴᕆᔭᐅᓯᒪᒍᑎᒋᓗᒍ ᓇᖕᒥᓂᖁᑎᖃᕐᓂᕐᒥᒃ, ᒪᑭᒪᔾᔪᑎᓂᒃ, ᑮᓇᐅᔭᓕᕆᓂᕐᒥᒃ ᐅᑉᕙᓘᓐᓃᑦ ᐊᑦᑐᐊᔪᓂᒃ ᑖᒃᑯᓄᖓ. ᓴᖅᑭᐸᓪᓕᐊᔪᓂᒃ−ᑐᑭᓯᕙᓪᓕᐊᒍᓐᓇᓂᕐᒥᒃ ᐊᔪᓐᖏᑐᕐᔪᐊᖑᓂᕐᓄᑦ, ᐱᓕᕆᖃᑦᑕᕐᓯᒪᓂᕐᓂᒃ ᓴᖅᑭᔮᖅᑎᑦᓯᒍᓐᓇᓂᐊᖅᑐᑎᑦ ᓯᕗᓕᕐᓂᕐᒥᒃ ᐊᒻᒪᓗ ᒪᑭᑉᐸᓪᓕᐊᑎᑦᓯᓂᕐᒥᒃ ᐊᐅᓚᑦᓯᒍᓐᓇᑐᕐᔪᐊᓂᒃ ᐱᓕᕆᖃᑎᒌᑦᑐᓂᒃ ᓴᓐᖏᓂᖃᑦᓯᐊᕐᓗᓂ ᐅᖃᖃᑎᖃᕈᓐᓇᓂᕐᒥᒃ ᐊᒻᒪᓗ ᐃᓅᖃᑎᖃᑦᓯᐊᕈᓐᓇᓂᕐᒥᒃ.

ᐃᖅᑲᓇᐃᔮᖅᑖᖅᑐᖅ ᓇᓗᓇᐃᕈᑎᖃᕐᓯᒪᒋᐊᓕᒃ ᐊᔪᓐᖏᓂᕐᒥᓂᒃ ᓴᖅᑮᓂᕐᒥᒃ ᐋᖅᑭᐅᒪᑦᓯᓂᕐᒥᓪᓗ ᖁᕕᐊᓇᖅᑐᒥᒃ ᐃᖅᑲᓇᐃᔭᖃᑎᖃᕈᓐᓇᕐᓗᓂ ᐱᓇᓱᐊᖃᑕᐅᔪᓪᓗᐊᑕᕐᓂᒃ ᐃᓚᒋᔭᐅᓗᑎᒃ ᑲᑎᒪᔩᑦ, ᐊᖓᔪᖅᑲᐅᑏᑦ ᐃᖅᑲᓇᐃᔭᕐᕕᒻᒥ, ᐱᓕᕆᒡᕕᒃᑯᑦ ᓯᓚᑖᓂᓗ ᐱᓇᓱᐊᖃᑕᐅᔪᑦ, ᓄᓇᕗᒻᒥ ᒐᕙᒪᒃᑯᑦ ᐊᒻᒪᓗ ᒐᕙᒪᑐᖃᒃᑯᑦ.

ᐊᖓᔪᖅᑳᖅ ᐊᐅᓚᑦᓯᔨᒻᒪᕆᒋᔭᐅᓪᓗᓂ ᐊᑐᐃᓐᓇᐅᖃᑦᑕᕈᓐᓇᕆᐊᖃᕐᓂᐊᖅᑐᖅ ᐊᐅᓪᓚᖃᑦᑕᕈᒪᓂᖃᕐᓗᓂ ᓄᓇᕗᒻᒥ ᐊᒻᒪᓗ ᓯᓚᑖᓂ ᓄᓇᕗᑦ ᐱᓕᕆᐊᒃᓴᓄᑦ ᑕᐃᒪᐃᒋᐊᖃᕋᐃᑉᐸᑦ. ᖃᐅᔨᒫᓂᑉᐸᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓂᒃ ᐊᒻᒪᓗ ᐃᓄᒃᑎᑑᕈᓐᓇᓯᐊᕐᓗᓂ ᐃᑲᔫᑎᖃᕈᓐᓇᖅᑐᖅ ᐱᓇᓱᐊᖅᑕᐅᔪᒧᑦ.

ᑐᒃᓯᕋᐅᓯᐅᕐᕕᒃᓴᖅ:
ᑐᕌᖅᑎᓪᓗᒋᑦ ᐱᔪᒐᕐᓴᐅᑎᑎᑦ ᐃᓚᖃᕐᓗᑎᒃ ᑎᑎᖅᑲᒥᒃ ᐃᑲᔪᕐᓱᐃᒍᑎᒥᒃ ᐅᕗᖓ:

ᓄᓇᓯ ᑯᐊᐳᕇᓴᓐ ᓱᒃᑲᔪᒃᑰᕈᑖ: (867) 979-8921
ᑎᑎᖅᑲᖃᐅᑖ 1559 ᐅᕗᖓ: humanresources@nunasi.com
ᐃᖃᓗᐃᑦ, ᓄᓇᕗᑦ XOA OHO