Author Archives: mhyndman

 

ᓄᓇᓯᒃᑯᑦ ᐃᑲᔪᖅᑐᑦ ᐊᓂᕝᕕᐊᓂ ᓇᓪᓕᐅᓂᕐᓯᐅᕈᑎᒃᓴᓂᒃ ᓄᓇᕗᒻᒥᐅᓄᑦ

ᐃᖃᓗᐃᑦ, ᓄᓇᕗᑦ (ᑏᓰᒻᕙ 18, 2013) – ᓄᓇᓯ ᑯᐊᐳᕇᓴᒃᑯᑦ ᐃᒃᓯᕙᐅᑕᖓ, ᐅᑲᓕᖅ ᐃᔨᑦᓯᐊᖅ ᖁᕕᐊᓱᑦᑐᖅ ᑐᓴᖅᑎᑦᓯᒋᐊᑦᓴᖅ ᓄᓇᓯᒃᑯᑦ ᐃᑲᔪᓚᐅᕐᓂᖏᓐᓂᒃ $15,000 ᐊᓂᕝᕕᐊᓄᑦ/ᖁᕕᐊᓱᕝᕕᖕᒧᑦ ᓇᓪᓕᐅᓂᕐᓯᐅᕈᑎᒃᓴᓂᒃ.

ᓄᓇᓯᒃᑯᑦ ᐃᑲᔫᑎᖃᓚᐅᖅᑐᑦ $500-ᓂᒃ ᓄᓇᕗᑦ ᓄᓇᓕᓕᒫᖏᓐᓄᑦ 25-ᓄᑦ, ᑐᓐᖓᓱᕝᕕᖓ ᐃᓄᐃᑦ ᐋᑐᕚᒥ, ᓛᒐ ᐹᕕᓐ ᐋᑐᕚᒥ, ᓛᒐ ᑭᕙᓪᓕᖅ ᐅᐃᓂᐱᒡᒥ, ᓛᒐ ᓕᒥᑎᑦ ᐃᐊᑦᒥᓐᑕᓐᒥ, ᐊᒻᒪᓗ ᓛᒐ ᕿᑎᕐᒥᐅᑦ ᔭᓗᓇᐃᕝᒥ.

“ᐊᕐᕌᒍᒥ ᖁᕕᐊᓇᕐᓂᕐᐸᐅᒻᒪᑦ. ᓯᓚ ᐃᓱᒪᕐᓱᓇᓐᖏᒃᑲᓗᐊᖅᑎᓪᓗᒍ ᑭᓯᐊᓂ ᐊᓂᕝᕕᐊᓯᐅᕐᓂᕐᒧᑦ ᐱᓐᖑᐊᕐᓃᑦ ᖁᑉᕙᑲᓐᓂᓇᖅᑎᓪᓗᒋᑦ. ᑲᑎᒪᔩᑦ ᖁᕕᐊᓱᑦᑐᑦ ᐃᑲᔫᑎᖃᕈᓐᓇᓂᕐᒥᓂᒃ ᖁᕕᐊᓱᓐᓇᕐᒥ ᖁᕕᐊᓇᕐᓂᖓ ᑭᒃᑯᑐᐃᓐᓇᕐᓄᑦ ᓴᖅᑭᔮᖅᑎᓪᓗᒍ ᓄᓇᓕᖕᓂ ᐱᓐᖑᐊᕐᕖᑦ ᑕᑕᕋᖃᑦᑕᑎᓪᓗᒋ.” ᐅᖃᓚᐅᖅᑐᖅ ᐃᔨᑦᓯᐊᖅ.

ᕼᐊᓚᑦ ᐅᐸᓘᖅᑲᔪᒻᒪᕆᐅᓕᖅᑎᓪᓗᒋᑦ ᐸᕐᓇᑦᑐᑦ ᐊᓂᕝᕕᐊᕐᓯᐅᕈᑎᒃᓴᓄᑦ ᐱᓐᖑᐊᓂᕐᓄᑦ ᒧᒥᕐᓂᓄᓪᓗ, ᓛᒐ ᐊᖏᕐᕋᑦ ᓱᓕ ᐊᓂᕝᕕᐊᓯᐅᖅᑎᑦᓯᓂᐊᕐᒥᔪᑦ ᓇᓪᓕᐅᓂᕐᓯᐅᑎᑦᓯᓗᑎᒃ ᐋᓐᓂᐊᕐᕕᓕᐊᕐᓯᒪᔪᓂᒃ ᐊᖏᕐᕋᕐᓯᒪᔾᔮᖏᑦᑐᓂᒃ ᓄᓇᒥᓐᓂ ᓄᖅᑲᖓᓐᓇᐅᓂᖓᓂ.

“ᑭᒡᒐᖅᑐᐃᓗᖓ ᑲᑎᒪᔨᓂᒃ ᓄᓇᕗᒻᒥᐅᓕᒫᑦ ᑲᓇᑕᒥ ᖁᕕᐊᓱᕝᕕᓯᐅᑦᓯᐊᕐᓂᐊᖁᕙᒃᑲ ᐊᓂᕝᕕᐊᓂ ᐊᒻᒪᓗ ᐊᕐᕌᒍᑖᓵᒥ!”

 

2013 ᓄᓇᓯ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᓂᒃ ᑐᓂᔭᐅᔪᑦ ᑐᓴᖅᑕᐅᑎᑕᐅᔪᑦ

ᐃᖃᓗᐃᑦ, ᓄᓇᕗᑦ (ᐆᑦᑑᕝᕙ 15, 2013) – ᓄᓇᓯ ᑯᐊᐳᕇᓴᒃᑯᑦ ᑲᑐᔾᔨᖃᑎᖃᖅᑐᑎᒃ ᓄᓇ ᓱᓇᒃᑯᑖᖃᖅᑎᑦᑎᔨᒃᑯᓐᓂᒃ, NCC ᑮᓇᐅᔭᓕᐅᕋᓱᐊᖅᑏᑦ ᑲᑐᔾᔨᖃᑎᒌᑦ ᑎᒥᖓᓂᒃ, ᐴᓚ ᕕᓴᓐ ᐃᒡᒐᑖᕐᕖᑦ ᓕᒥᑎᑦ ᐊᒻᒪᓗ ᓛᒐ ᕿᑎᕐᒥᐅᑦ ᖁᕕᐊᓱᑦᑐᑦ ᑐᓴᖅᑎᑦᓯᔭᕆᐊᒃᓴᖅ ᑐᓂᔭᐅᓚᐅᖅᑐᓂᒃ 2013 ᓄᓇᓯᒃᑯᑦ ᐃᓕᓐᓂᐊᑲᓐᓂᖅᑐᓄᑦ ᐃᑲᔫᑎᖏᓐᓂᒃ;

  • ᔮᑯᕆ ᑲᔨᓐᔅ, ᐃᖃᓗᐃᑦ, ᖃᕆᓴᐅᔭᓕᕆᓂᕐᒥᒃ ᐃᓕᓐᓂᐊᖅᑐᖅ ᑳᕈᑕᓐ ᐃᓕᓐᓂᐊᕕᒡᔪᐊᖓᓂ;
  • ᓄᐊᒪ ᑕᓂᖕ, ᐃᐊᑦᒥᓐᑕᓐ, ᐊᐅᕘᑕ, ᖁᑦᓯᓂᕐᐹᓂᒃ ᐃᓕᓐᓂᐊᓂᒃᑯᑦ ᓇᓗᓇᐃᒃᑯᑕᖅᑖᕋᓱᐊᖅᑐᓂ ᐊᔾᔨᒌᓐᖏᑦᑐᓄᑦ – ᓄᓇᖃᖅᑳᕐᓯᒪᔪᓂᒃ ᐃᓕᓐᓂᐊᖅᑐᓂ ᐊᐅᕘᑕ ᐃᓕᓐᓂᐊᕕᒡᔪᐊᖓᓂ;
  • ᐊᓖᓴ ᕙᓚᐅᕋᑎ-ᓯᐱᐊᓐᔅ, ᐃᖃᓗᐃᑦ, ᓄᓇᕗᑦ, ᒪᓕᒐᕐᓂᐊᖅᑎᒻᒪᕆᐅᓂᕐᒥᒃ – JD/ᒥᐊᓕᒐᕐᓂ/ᑲᓇᑕᒥ ᐃᓕᓐᓂᐊᕈᑦ ᐋᑐᕚ ᐃᓕᓐᓂᐊᕕᒡᔪᐊᖓᓂ;
  • ᓇᐸᑦᓯ ᕘᒐ, ᐃᖃᓗᐃᑦ, ᓄᓇᕗᑦ ᐃᓕᓴᕆᔭᐅᔾᔪᑎᒻᒪᕆᑦᑖᕋᓱᐊᖅᑐᖅ ᓇᓗᓇᐃᒃᑯᑕᕐᒥᒃ – ᐃᑲᔫᑎᒃᓴᐅᔪᓐᓇᖅᑐᓂᒃ ᐃᓅᓐᓇᔮᕐᓂᕐᒧᑦ ᑑᕌᓐᑐ ᐃᓕᓐᓂᐊᕕᒡᔪᐊᖓᓂ;
  • ᓕᓐ ᕿᓚᕝᕙᖅ, ᐸᓐᓂᖅᑑᖅ, ᓄᓇᕗᑦ, ᐃᓕᓴᕆᔭᐅᔾᔪᑎᒻᒪᕆᑦᑖᕋᓱᐊᖅᑐᖅ ᓇᓗᓇᐃᒃᑯᑕᕐᒥᒃ ᐃᓕᓐᓂᐊᑎᑦᓯᔨᒧᑦ ᓄᓇᕗᒻᒥ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᖓᓂ;
  • ᓈᑎᐊ ᓴᒻᒧᖅᑐᖅ, ᑲᖏᕐᖠᓂᖅ, ᓄᓇᕗᑦ, ᐃᓕᓐᓂᐊᖅᑐᖅ ᐃᓕᓴᕆᔭᐅᔾᔪᑎᒻᒪᕆᑦᑖᕋᓱᐊᖅᑐᖅ ᓇᓗᓇᐃᒃᑯᑕᕐᒥᒃ ᐃᓕᓐᓂᐊᑎᑦᓯᔨᒧᑦ
    ᓄᓇᕗᒻᒥ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᖓᓂ;
  • ᐊᓃᑕ ᐆᑦᑐᕙᒃ, ᒥᑦᑎᒪᑕᓕᒃ, ᓄᓇᕗᑦ ᐃᓕᓴᕆᔭᐅᔾᔪᑎᒻᒪᕆᑦᑖᕋᓱᐊᖅᑐᖅ ᓇᓗᓇᐃᒃᑯᑕᕐᒥᒃ ᐃᓱᓕᕆᓂᕐᒧᑦ;
  • ᓛᑯᓗᒃ ᐅᐃᓕᐊᒻᓴᓐ-ᕚᑐᕆ, ᐃᖃᓗᐃᑦ, ᓄᓇᕗᑦ ᐃᓕᓴᕆᔭᐅᔾᔪᑎᒻᒪᕆᑦᑖᕋᓱᐊᖅᑐᖅ ᓇᓗᓇᐃᒃᑯᑕᕐᒥᒃ ᐃᓱᒪᓕᕆᓂᕐᒥᒃ ᐃᓕᖅᑯᓯᖃᑎᒌᓐᖏᑦᑐᓄᑦ ᒪᒡᒋᐅ ᐃᓕᓐᓂᐊᕕᒡᔪᐊᖓᓂ;
  • ᑯᕆᔅᑕ ᔭᑖᔅᑭ, ᑲᖏᕐᖠᓂᖅ, ᓄᓇᕗᑦ, ᓄᓇᕐᔪᐊᒥ ᐃᓄᖏᑕ ᐊᔾᔨᒌᓐᖏᓐᓂᖏᓐᓂᒃ ᐃᓕᓐᓂᐊᕐᓂᖅ ᕗᑎᔅ ᑲᓚᒻᕕᐊ ᐃᓕᓐᓂᐊᕕᒡᔪᐊᖓᓂ; ᐊᒻᒪᓗ
  • ᑕᐃᔮᓐ ᐃᔭᐃᒍ, ᖃᒪᓂ’ᑐᐊᖅ, ᓄᓇᕗᑦ, ᐃᓕᓴᕆᔭᐅᔾᔪᑎᒻᒪᕆᑖᕋᓱᐊᖅᑐᖅ ᓇᓗᓇᐃᒃᑯᑕᕐᒥᒃ ᖃᓪᓗᓈᑦ ᖃᐅᔨᓴᖅᑎᕐᔪᐊᖏᑕ ᖃᐅᔨᓴᕈᓯᖏᓐᓂᒃ ᓄᓇᕗᒻᒥ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᖓᓂ ᐋᓐᓂᐊᓯᐅᖅᑎᒃᓴᓄᑦ, ᑐᓂᔭᐅᔪᖅ ᒋᓕᓇ ᔨᓕᓐᔅᑭ ᐃᒡᒐᓕᕆᕕᖕᒥᒃ ᐃᓕᓐᓂᐊᑲᓐᓂᖅᑐᒧᑦ ᐃᑲᔫᑎᒃᓴᒥᒃ.

“ᖁᕕᐊᒃᑯᑎᔭᐃᓐᓇᕆᕙᒃᑲ ᑐᓐᓂᖅᑯᓯᐊᓚᐅᖅᑐᑦ ᐊᒻᒪᓗ ᐊᑐᓂᑦ 88 ᐱᓇᓱᐊᓚᐅᖅᑐᑦ ᑲᔪᓯᑦᓯᐊᖁᓪᓗᒋᑦ ᐃᓕᓐᓂᐊᖅᑕᒥᓂᒃ. 2013 ᓄᓇᓯᒃᑯᑦ ᐃᓕᓐᓂᐊᑲᓐᓂᖅᑐᒧᑦ ᐃᑲᔫᑎᖏᓐᓂᒃ ᑐᓐᓂᖅᑯᓯᐊᖅᑎᑕᐅᓚᐅᖅᑐᑦ ᐃᓕᓐᓂᐊᖅᑐᑦ ᑕᑯᑦᓴᒃᑯᑦ ᑐᓂᓯᒪᑦᓯᐊᕐᓂᖏᓐᓂᒃ ᐃᓕᓐᓂᐊᖅᑕᒥᓄᑦ. ᑲᔪᓯᑎᑦᓯᔪᑦ ᐃᓄᐃᑦ ᐊᒻᒪᓗ ᓄᓇᕗᑦ ᖃᐅᑉᐸᐅᓂᐊᖅᑐᒧᑦ ᑐᓐᖓᕕᒋᒐᑦᑎᒍ ᐃᓕᓐᓂᐊᖅᑐᖁᑎᕗᑦ ᐃᓕᓐᓂᐊᖅᑕᖏᑎᒍᑦ ᐅᓪᓗᒥ,” ᐅᖃᖅᑐᖅ ᐅᑲᓕᖅ ᐃᔨᑦᓯᐊᖅ, ᐃᒃᓯᕙᐅᑕᖅ, ᓄᓇᓯ ᑯᐊᐳᕇᓴᒃᑯᓐᓂ.

ᒋᓕᓇ ᔨᓕᓐᔅᑭ (1970-2002) ᐃᖅᑲᓇᐃᔮᖃᓚᐅᖅᑐᖅ ᐴᓚ ᕕᓴᓐᑯᓐᓂ 1994-ᒥᓂᒃ 2002-ᒧᓄᑦ. ᑐᓂᓯᒪᑦᓯᐊᕐᓱᓂ ᐃᖅᑲᓇᐃᔭᓚᐅᖅᑐᖅ ᑕᑯᑦᓴᐅᑎᑦᓯᕙᑦᑐᓂ ᖁᕕᐊᒋᔭᖃᕐᓂᕐᒥᓂᒃ ᐱᔾᔪᑎᔭᓕᒫᒥᓄᑦ. ᐃᖅᑲᐅᒪᔾᔪᑕᐅᓪᓗᓂ ᒋᓕᓇᒥᒃ, ᐴᓚ ᕕᓴᓐ ᐊᒻᒪᓗ ᓄᓇᓯ ᑯᐊᐳᕇᓴᒃᑯᑦ ᖁᕕᐊᓱᑦᑐᑦ ᐃᑲᔫᑎᒥᓂᒃ
ᐃᓕᓐᓂᐊᑲᓐᓂᖅᑐᒧᑦ ᑐᓐᓂᖅᑯᓯᐊᒥᒃ.

 

ᓄᑖᖅ ᓄᓇᓯ ᑲᒻᐸᓂ ᒪᓂᒪᑎᑦᓯᔪᖅ ᑮᓇᐅᔭᓕᕆᓂᕐᒥᒃ ᐊᒻᒪᓗ ᑲᑎᒪᕕᒻᒥᒃ

nfs-fsnfs-conference

ᔭᓗᓇᐃᕝ, ᓄᓇᑦᓯᐊᖅ  (ᐊᐅᒡᒍᓯ 27, 2013) – ᓄᓇᓯ ᑯᐊᐳᕇᓴᒃᑯᑦ ᖁᕕᐊᓱᑦᑐᑦ ᑐᓴᖅᑎᑦᓯᓂᕐᒥᓂᒃ ᓄᑖᖑᓂᕐᐹᒥᒃ ᓇᖕᒥᓂᖁᑎᒋᓂᐊᖅᑕᒥᓂᒃ ᓴᖅᑮᓂᕐᒥᒃ; ᓄᓇᓯ ᑮᓇᐅᔭᓕᕆᔨᒃᑯᑦ ᓕᒥᑎᑦ. ᓄᑖᑦ ᐱᔨᑦᓯᕋᖅᑏᑦ ᑮᓇᐅᔭᓕᕆᔾᔪᑎᓄᑦ ᐊᒻᒪᓗ ᑲᑎᒪᓂᕕᖕᓄᑦ ᑲᒻᐸᓂ ᑕᕝᕙᓃᓐᓂᐊᖅᑐᑦ ᓇᑎᖓᑕ ᐊᐃᐹᓂ ᓄᓇᓯ ᐃᓪᓗᖁᑖᓂ 48 ᐊᖅᑯᑦ ᔭᓗᓇᐃᕝᒥ.

“ᑮᓇᐅᔭᓕᕆᓂᕐᒧᑦ ᐃᖅᑲᓇᐃᔭᖅᑎᕗᑦ ᐱᓇᓱᐊᑦᓯᐊᕐᓯᒪᔪᒻᒪᕆᐅᔪᑦ ᑮᓇᐅᔭᓕᕆᔾᔪᑎᓕᕆᓂᕐᒥᒃ ᓇᖕᒥᓂᖁᑎᒋᔭᑦᑎᓐᓄᑦ ᑲᒻᐸᓂᓄᑦ ᐊᕐᕌᒍᓂ ᖄᖏᕐᑐᓂ, ᐊᖏᓪᓕᒋᐊᕆᔾᔪᑎᒋᓚᕿᔭᕗᑦ ᐱᔨᑦᓯᕈᑎᒋᔭᑦᑕᑎᓐᓄᑦ
ᐊᒻᒪᓗ ᐊᑐᐃᓐᓇᐅᓗᑎᒃ ᐊᓯᖏᓐᓄᑦ ᓇᖕᒥᓂᖁᑎᒋᔭᐅᔪᓄᑦ ᐊᒻᒪᓗ ᑲᑐᔾᔨᖃᑎᒌᓐᓄᑦ. ᓂᕆᐅᖕᓂᖃᑦᓯᐊᖅᑐᖓ ᐱᓕᕆᖃᑎᒌᓐᓂᐊᓂᑦᑎᓐᓂᒃ ᑲᔪᓯᑦᓯᐊᕐᓯᒪᑎᑦᓯᓂᕐᒧᑦ ᐊᖏᓕᕙᓪᓕᐊᔪᒻᒪᕆᐅᔪᒧᑦ ᑖᑦᓱᒧᖓ ᑲᒻᐸᓂᒧᑦ ᑲᑐᔾᔨᖃᑎᒋᔭᑦᑎᓐᓄᑦ”, ᐅᖃᖅᑐᖅ ᐅᑲᓕᖅ ᐃᔨᑦᓯᐊᖅ, ᐃᒃᓯᕙᐅᑕᖅ, ᓄᓇᓯ ᑯᐊᐳᕇᓴᒃᑯᓐᓂ.

ᓄᓇᓯ ᑮᓇᐅᔭᓕᕆᔨᒃᑯᑦ ᐊᐅᓚᑦᓯᓂᐊᕐᒥᔪᑦ NFS ᑲᑎᒪᕕᖕᒥᒃ ᑕᕝᕙᓐᖓᑦ ᐊᑐᐃᓐᓇᖃᑦᓯᐊᖁᓪᓗᒋᑦ ᐃᑲᔪᖅᑕᐅᒋᐊᓖᑦ ᐊᑲᕐᕆᔮᑦᓯᐊᕐᓗᑎᒃ ᐊᐅᓚᑦᓯᖃᑦᑕᓂᐊᕐᒪᑕ ᑲᑎᒪᓂᕐᒥᓂᒃ ᑲᑎᒪᔭᕆᐊᖃᓕᕌᖓᑕ, ᐊᕐᕌᒍᑕᒫᕐᓯᐅᒻᒥᒃ ᑲᑎᒪᓂᕐᒥᒃ, ᐊᒻᒪᓗ ᐊᓯᖏᓐᓂᒃ ᑲᑎᓐᓂᐅᒋᐊᓕᖕᓂᒃ NFS ᑲᑎᒪᓂᕐᒧᑦ ᐱᔨᑦᓯᕋᕐᕕᖏᓐᓂ. NFS ᑲᑎᒪᓂᕐᒧᑦ ᐱᔨᑦᓯᕈᑏᑦ ᒪᓂᒪᑎᑕᐅᓂᐊᕐᒥᔪᑦ ᑲᑎᒪᓂᕐᔪᐊᓄᑦ ᐊᒻᒪᓗ ᑲᑎᓐᓂᐅᓂᐊᖅᑐᓂᒃ ᐸᕐᓇᑎᐅᓂᕐᒥᒃ.

“ᐊᑐᖅᑕᐅᖃᑦᑕᕆᐊᖃᓲᓂᒃ ᓄᑖᖑᓂᕐᐹᓂᒃ ᓱᓇᒃᑯᑖᕗᑦ ᑕᕝᕙᓂ ᑕᑯᒥᓇᖅᑐᕐᔪᐊᖑᓪᓗᑎᒃ ᐊᒻᒪᓗ ᐊᐅᓚᓂᖃᑦᓯᐊᖅᑐᑎᒃ ᐊᒻᒪᓗ ᐋᖅᑭᓱᕐᓯᒪᓪᓗᑎᒃ ᐱᔾᔪᑎᖃᑦᑕᓂᐊᖅᑕᕗᑦ ᐊᑲᕐᕆᔮᖁᓪᓗᒋᑦ ᐊᒻᒪᓗ ᐃᕿᐊᑦᑖᖓᐃᓐᓇᓂᒃᑯᑦ ᑲᑦᓱᖓᐃᓐᓇᕐᓗᓂ ᑲᑎᒪᕕᒋᔭᐅᔪᒥᒃ ᐊᐅᓚᑦᓯᓂᕗᑦ, ᐱᓕᒻᒪᒃᓴᓂᕐᒥᒃ, ᐅᕝᕙᓘᓐᓃᑦ ᐊᓯᖏᓐᓂᒃ ᑲᑎᓐᓂᕐᓄᑦ,” ᐅᖃᖅᑐᖅ ᕆᓃ ᔪᓐᔅ, ᐊᖓᔪᖅᑳᖓ ᓄᓇᓯ ᑮᓇᐅᔭᓕᕆᔨᒃᑯᑦ. “ᖁᕕᐊᓱᑦᑐᒍᑦ ᖃᐃᖅᑯᔨᓂᐊᕐᓂᑎᓐᓂᒃ ᓇᖕᒥᓂᕆᔭᐅᔪᓂᒃ ᐊᒻᒪᓗ ᐊᓯᖏᓐᓂᒃ ᑲᑐᔾᔨᖃᑎᒌᓂᒃ ᐃᓕᓴᕆᔭᐅᓯᒪᔪᒃᑯᑦ ᒪᑐᐃᖅᑕᐅᓕᕐᐸᑦ ᒪᑐᐃᖓᑎᑦᓯᓗᑕ ᑐᑭᓯᒋᐊᒃᑲᓐᓂᕈᑎᒃᓴᓂᒃ ᓯᑕᒻᒥᖅ, ᓯᑉᑎᒻᕙ 19, 2013 ᖃᐅᔨᓴᐅᑦ 4:30 ᐅᓐᓄᓴᒃᑯᑦ. ᐱᕝᕕᖃᖅᑎᒋᐊᖅᑕᕗᑦ ᑕᑯᓂᐊᕈᒪᔪᑦ ᓱᓇᒃᑯᑖᑦᑎᓐᓂᒃ ᐊᒻᒪᓗ ᖃᐅᔨᒃᑲᓂᕐᓗᑎᒃ ᐱᔨᑦᓯᕈᑎᑎᒍᑦ ᒪᓂᒪᑎᑕᑦᑎᓐᓂᒃ.”

 

ᓯᑳᓕᑦ ᒥᐊᓂᕐᓯᔩᑦ ᑎᒍᓯᔪᑦ ᒥᐊᓂᕐᓯᔨᒃᑯᑦ ᖃᐅᔨᓴᖅᑏᑦ ᓕᒥᑎᑦ

scarlet-nunasi

ᔭᓗᓇᐃᕝ, ᓄᓇᑦᓯᐊᖅ (ᕕᑉᕗᐊᓕ 20, 2013) – ᓯᑳᓕᑦ ᒥᐊᓂᕐᓯᔨᒃᑯᑦ ᖃᐅᔨᓴᖅᑏᑦ ᖁᕕᐊᓱᑦᑐᑦ ᑐᓴᖅᑎᑦᓯᒋᐊᒃᓴᖅ ᑎᒍᓯᓂᕐᒥᓂᒃ ᓯᑳᓕᒃ ᒥᐊᓂᕐᓯᔨᒃᑯᑦ ᖃᐅᔨᓴᖅᑏᑦ ᓕᒥᑎᑦ SECURECheck ᓄᓇᓯ ᑯᐊᐳᕇᓴᒃᑯᓐᓂᒃ. ᓄᒃᑎᖅᑕᐅᓂᖓ ᐃᓱᓕᓐᓂᐊᖅᑐᖅ ᒫᑦᓯ 1, 2013 ᑕᒪᕐᒥᒃ ᒥᐊᓂᕐᓯᔨᒃᑯᒃ ᖃᐅᔨᓴᖅᑏᑦ ᐃᖅᑲᓇᐃᔭᖅᑎᓕᒫᖏᑦ ᐃᓚᒍᑦᓯᐅᑎᓗᑎᒃ ᓯᑳᓕᒃᑯᓐᓄᑦ. ᐊᒻᒪᓗ ᓱᓕ, ᓯᑳᓕᑦ ᒥᐊᓂᕐᓯᔩᑦ ᐊᐅᓚᓂᖓ (ᑕᐃᒃᑯᐊᑦᑕᐅᖅ ᓇᔭᖏᑦ ᑲᒻᐸᓃᑦ ᑐᐊᐃᓚᐃᑦ ᒥᐊᓂᕐᓯᔩᑦ ᓕᒥᑎᑦ)
ᐃᓚᒍᑦᓯᐅᑎᓂᐊᕐᒥᔪᑦ ᒫᓐᓇ ᒥᐊᓂᕐᓯᔨᒃᑯᑦ ᖃᐅᔨᓴᖅᑏᑦ ᐃᓂᒋᔭᖓᓄᑦ ᓄᓇᓯ ᑯᐊᐳᕇᓴᒃᑯᑦ ᐊᓪᓚᕝᕕᖓᓂ ᔭᓗᓇᐃᕝᒥ.

ᓯᑳᓕᑦ ᒥᐊᓂᕐᓯᔩᑦ ᐅᖓᓯᑦᑐᒥᐅᑕᕐᓄᑦ ᐱᔨᑦᓯᖅᑎᐅᔪᑦ ᑎᒥᓐᖑᖅᑎᑕᐅᓯᒪᓂᒃᑯᑦ ᓇᓗᓇᐃᒃᑯᑕᓖᑦ, ᐱᔨᑦᓯᕈᑎᖃᕐᐸᑦᑐᑦ ᐊᑦᑕᕐᓇᐃᔭᕐᓯᒪᓂᕐᒧᑦ, ᒥᐊᓂᕐᓯᓂᕐᒧᑦ ᐊᒻᒪᓗ ᖃᐅᔨᓴᕐᓂᕐᒧᑦ ᐃᑲᔪᖅᑎᐅᓪᓗᑎᒃ ᐅᖓᓯᑦᑐᒦᑦᑐᓄᑦ ᐅᔭᕋᓐᓂᐊᕐᕕᖕᓂ, ᐊᖅᑯᓯᐊᖑᓯᒪᔪᓂ ᓯᑯᓂ, ᓱᓪᓗᓕᓕᕆᔪᓂ ᐊᒻᒪᓗ ᐅᖅᓱᐊᓗᓕᕆᔪᓂ.

ᑎᒍᓯᓂᖏᑦ ᒥᐊᓂᕐᓯᔨᒃᑯᑦ ᖃᐅᔨᓴᖅᑏᑦ ᐊᖏᓪᓕᒋᐊᕆᒃᑲᓂᖅᑐᑦ ᓯᑳᓕᑦ ᐅᖓᓯᑦᑐᒥ ᐊᐅᓚᑕᖏᓐᓂᒃ ᐃᓚᓯᓂᒃᑯᑦ ᑕᒪᒃᑮᓐᓂᒃ ᓄᑖᓂᒃ ᐊᕕᑦᑐᕐᓯᒪᓂᕐᓂ ᐊᒻᒪᓗ ᐃᑲᔪᖅᑕᐅᕕᒋᔭᐅᒋᐊᓕᖕᓄᑦ ᐱᔨᑦᓯᖅᑎᐅᓂᕐᒥᒃ. ᓯᑳᓕᑦ ᐊᖓᔪᖅᑳᖓ ᐹᑐᕆᒃ ᑐᐃᔪᓪ ᐅᖃᓚᐅᖅᑐᖅ, “ᒥᐊᓂᕐᓯᔨᒃᑯᑦ ᖃᐅᔨᓴᖅᑏᑦ ᐱᐅᔪᕐᔪᐊᕌᓗᐃᑦ ᑲᒻᐸᓂ ᐅᐱᒋᔭᒃᑲ ᐃᓚᒋᔭᐅᓂᐊᓕᕐᓂᖏᓐᓂᒃ ᑲᒪᒋᖃᑦᑕᑕᑦᑎᓐᓄᑦ. ᖁᕕᐊᒋᔭᕐᔪᐊᒻᒪᕆᒐ ᐊᖏᓪᓕᕙᓪᓕᐊᖏᓐᓇᕐᓂᕗᑦ ᐊᐅᓚᒍᓐᓇᑕᑦᑎᒍᑦ ᐊᒻᒪᓗ ᐱᕚᓪᓕᑎᑦᓯᓂᖅ ᐱᐅᔪᕐᔪᐊᖑᓂᖓᓂᒃ ᐊᒻᒪᓗ ᐃᑎᔫᓂᖓᓂᒃ ᐱᔨᑦᓯᕋᐅᑎᕗᑦ ᐅᑭᐅᖅᑕᖅᑐᒥ ᓂᐅᕕᖅᑐᖁᑎᒋᕙᑦᑕᑎᓐᓄᑦ. ᒫᓐᓇᒫᒃ ᐊᓯᔾᔨᕐᓂᐅᕋᑖᓚᐅᖅᑐᓂ ᐅᑭᐅᖅᑕᖅᑐᒥ ᓇᖕᒥᓂᕆᔭᐅᓂᑦᑎᓐᓄᑦ ᐅᑭᐊᑦᓵᖑᓚᐅᖅᑐᖅ, ᐊᒻᒪᓗ ᐃᓱᓕᒍᑕᐅᓂᖓ ᐊᒥᓱᒐᓚᑦ ᓄᑖᑦ ᑮᓇᐅᔭᓕᐅᕋᓱᐊᖃᑎᒌᓐᓃᑦ ᐅᑭᐅᖅᑕᖅᑐᓕᒫᒥ, ᐊᒻᒪᓗ ᒫᓐᓇ ᑎᒍᓯᓂᕗᑦ, ᐋᖅᑭᑦᓯᒪᑦᓯᐊᖅᑐᒍᑦ ᑲᒪᒋᐊᕈᑎᒃᓴᓄᑦ ᒫᓐᓇ ᐊᒻᒪᓗ ᓯᕗᓂᑦᑎᓐᓂ ᐊᑐᖅᑕᐅᖃᑦᑕᕆᐊᖃᕐᓂᐊᖅᑐᓄᑦ ᐱᓇᓱᐊᖅᑕᑎᓐᓄᑦ ᐊᔪᕐᓇᖏᓐᓂᓕᒫᖓᒍᑦ ᓄᓇᓕᖕᓄᑦ ᐊᒃᑐᐃᓂᖃᕐᓯᒪᓂᖓ ᐊᒻᒪᓗ ᐃᑲᔫᑎᖃᕐᓂᖓᓄᑦ.”

ᑖᓐᓇ ᐊᑕᐅᓯᓐᖑᕐᓯᒪᓂᒃᑯᑦ ᐊᖏᖃᑎᒌᒍᑕᐅᓯᒪᓂᖓ ᐃᑲᔫᑎᓕᒃ ᓄᒃᑎᕐᑕᐅᓂᖓ ᓴᖅᑭᕈᑕᐅᒃᑲᓂᕐᓯᒪᔪᖅ ᓄᑖᓂᒃ ᐱᓇᓱᐊᖃᑎᒌᓐᓂᖏᓐᓂᒃ ᓯᑳᓕᑦ ᐊᒻᒪᓗ ᓄᓇᓯ – ᐊᑐᖅᑐᐊᖅᑐᓄᑦ ᐊᒻᒪᓗ ᓇᖕᒥᓂᖁᑎᓖᑦ ᐊᑐᖅᑐᐊᑎᑦᓯᔪᑦ. “
ᓂᐅᕐᕈᑕᐅᓂᕆᓚᐅᖅᑕᖓ ᒥᐊᓂᕐᓯᔨᒃᑯᑦ ᖃᐅᔨᓴᖅᑏᑦ ᓄᓇᓯᒃᑯᑦ ᑐᑭᒧᐊᒍᑎᒃᓴᓕᐊᕆᓯᒪᔭᖏᓐᓃᖃᑕᐅᔪᖅ ᑐᕌᒐᖃᕐᓂᖅ ᑮᓇᐅᔭᓕᐅᕋᓱᐊᕈᑎᒃᓴᓂᒃ ᑎᒍᒥᐊᕐᓂᕐᒥᒃ. ᓯᑳᓕᑦ ᒥᐊᓂᕐᓯᔩᑦ ᐅᑭᐅᖅᑕᖅᑐᒥ ᓇᖕᒥᓂᖁᑎᒋᔭᐅᔪᑦ ᐊᒻᒪᓗ ᐊᐅᓚᑕᐅᔪᖅ ᓇᖕᒥᓂᖁᑎᒋᔭᐅᔪᖅ ᐅᓄᖅᑐᓂᒃ ᐊᕐᕌᒍᓂᒃ ᐱᓕᕆᖃᑦᑕᕐᓯᒪᔪᓂᒃ ᐅᑭᐅᖅᑕᖅᑐᒥ. ᖁᕕᐊᓱᑦᑐᒍᑦ ᓯᑳᓕᑦ ᒥᐊᓂᕐᓯᔩᑦ ᐱᓯᒪᓕᕋᑦᑎᒍ ᓄᑖᖑᓪᓗᑎᒃ ᐊᑐᖅᑐᐊᖅᑐᑦ ᔭᓗᓇᐃᕝᒥ ᐃᓪᓗᖁᑎᑦᑎᓐᓂᒃ.” ᐅᖃᓚᐅᖅᑐᖅ ᐅᐃᕗᕋᑦ ᐅᐃᐅᑳᒃᔅ, ᓄᓇᓯ ᑯᐊᐳᕇᓴᒃᑯᑦ ᑲᑎᒪᔨᖏᑕ ᐃᒃᓯᕙᐅᑕᖓ.

###

ᑐᑭᓯᒋᐊᒃᑲᓂᕐᕕᒃᓴᖅ:

ᐹᑐᕆᒃ ᑐᐃᔪᓪ
ᐊᖓᔪᖅᑳᖅ
ᓯᑳᓕᑦ ᒥᐊᓂᕐᓯᔩᑦ
867 920 2547

http://www.scarletsecurity.ca

ᕗᕌᓐᑯ ᐳᓴᒥ
ᑐᑭᒧᐊᒃᑎᑦᑎᔨ, ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐱᔪᒐᕐᓴᐅᑎᒍᑎᓄᓪᓗ
ᓄᓇᓯ ᑯᐊᐳᕇᓴᓐ
ᐊ) 867 979 2160
ᐃ) 867 222 2477

ᑐᐊᐃᓚᐃᑦ ᒥᐊᓂᕐᓯᔩᑦ ᐊᒻᒪᓗ ᓯᑳᓕᑦ ᒥᐊᓂᕐᓯᔩᑦ ᑐᑭᓯᑎᑦᓯᒋᐊᕈᑏᑦ

ᐊᐅᓚᓂᓕᒃ ᑕᒪᐃᓐᓂ ᐱᖓᓱᓂ ᐅᑭᐅᖅᑕᖅᑐᒥ ᐊᕕᑦᑐᕐᓯᒪᓂᖏᓐᓂ, ᑐᐊᐃᓚᐃᑦ ᒥᐊᓂᕐᓯᖃᑦᑕᖅᑐᑦ ᐊᖏᔫᑎᓂᒃ ᐊᒥᓱᒐᓚᓐᓂᒃ ᓇᖕᒥᓂᕐᓱᖅᑐᓂᒃ ᐊᒻᒪᓗ ᒐᕙᒪᒃᑯᑦ ᐃᓂᖏᓐᓂᒃ ᓲᕐᓗ ᖃᖓᑕᔫᒃᑯᕕᑦ, ᐋᓐᓂᐊᕐᕖᑦ, ᐊᒻᒪᓗ ᓄᓇᑦᓯᐊᒥ ᒪᓕᒐᓕᐅᕐᕕᒃ. ᑐᐊᐃᓚᐃᑦ ᐅᑉᐱᕈᓱᑦᑐᖅ ᑎᑭᐅᑎᓯᒪᓂᕐᒥᒃ ᓇᖕᒥᓂᖃᕐᓂᒃᑯᑦ ᐱᔾᔪᑎᒃᓴᖃᕐᓂᕐᒥᒃ ᐋᖅᑭᑦᓱᐃᓗᑎᒃ ᐊᔾᔨᐅᖏᑦᑐᒥᒃ ᐱᓕᒻᒪᒃᓴᐅᑎᒃᓴᐅᔪᓂᒃ ᐃᖅᑲᓇᐃᔭᖅᑎᖏᑦ ᐊᒻᒪᓗ ᐊᐅᓚᑦᓯᔨᖏᑦ ᐃᖅᑲᓇᐃᔮᖅᑎᑖᖑᖁᓪᓗᒋᑦ ᐊᒻᒪᓗ ᐃᖅᑲᓇᐃᔮᖅᑖᖅᑎᑕᐅᓗᑎᒃ ᓄᓇᓕᖕᓂ ᐊᖏᕐᕋᖃᕐᕕᒋᔭᒥᓂ, ᐊᔪᕐᓇᕈᓐᓃᑐᐊᕋᐃᑉᐸᑦ.

nᓯᑳᓕᑦ ᒥᐊᓂᕐᓯᔩᑦ ᐅᖓᓯᑦᑐᒥᐅᑕᕐᓄᑦ ᐱᔨᑦᓯᖅᑎᐅᔪᑦ ᑯᐊᐳᕇᓴᓐ, ᐱᔨᑦᓯᕈᑎᖃᕐᐸᑦᑐᑦ ᐊᔪᓐᖏᑐᕐᔪᐊᖑᓂᕐᒥᒍᑦ ᐅᖓᓯᑦᑐᒦᑦᑐᓄᑦ ᐅᔭᕋᓐᓂᐊᕐᕕᖕᓂ, ᐊᖅᑯᓯᐊᖑᓯᒪᔪᓂ ᓯᑯᓂ, ᓱᓪᓗᓕᓕᕆᔪᓂ ᐊᒻᒪᓗ ᐅᖅᓱᐊᓗᓕᕆᔪᓂ. ᓂᐅᕕᕐᓯᒪᖃᑕᐅᖃᑦᑕᖅᑐᑦ ᐊᖅᑯᓯᐊᖑᓯᒪᔪᓂ ᓯᑯᓂ JVMC, ᑮᓇᐅᔭᓕᐅᕋᓱᐊᖅᑎᐅᖃᑎᒌᑦᑐᓄᑦ ᑲᒻᐸᓂᓄᑦ BHP ᐱᓕᑕᓐ, ᑕᐃᐊᕕᒃ, ᐊᒻᒪᓗ ᑎᐱᐊᔅ, ᐹᕕᓐᓛᓐ ᓴᕕᒃᓴᓂᒃ ᐅᔭᕋᓐᓂᐊᓂᕐᒧᑦ ᑯᐊᐳᕆᓴᓐ, ᐃᓐᐳᕆᑦᔾ ᓱᓪᓗᓕᕆᔩᑦ, ᐊᒻᒪᓗ ᒐᕙᒪᒃᑯᑦ ᐱᓕᕆᕝᕕᖏᑦ ᑕᒪᒃᑮᓐᓂᒃ ᓄᓇᑦᓯᐊᒥ ᐊᒻᒪᓗ ᓄᓇᕗᒻᒥ. ᑐᐊᐃᓚᐃᑦ ᐊᒻᒪᓗ ᓯᑳᓕᑦ ᓇᓗᓇᐃᒃᑯᑕᓖᒃ COR ᑲᓇᑕᒥ ᐊᑐᖅᑕᐅᔭᕆᐊᖃᓲᓄᑦ, ᐊᒻᒪᓗ ᒫᓐᓇ ᐊᑐᓕᖅᑎᑦᓯᕙᓪᓕᐊᔪᑦ ISO 9001/2000 ᐊᑐᖅᑕᐅᒋᐊᓕᖕᓂᒃ, ᑐᕌᒐᖃᖅᑐᑎᒃ ᑐᕌᒐᕆᔭᖏᓐᓂᒃ ISO ᓇᓗᓇᐃᒃᑯᑕᖅᑖᓂᕐᒧᑦ ᓄᓐᖑᐸᓗᐊᓂ ᐄᑉᕈ 2013.